Maleko 15:46 - Tosi Tapu

⁴⁶ Ti na totogi loa e Sosefo se kie tea, ti na sau loa e ia le tino o Sesu mei le koluse, o kofu ki le kie, ti na tuku loa e ia a ia ki se tanuma kua kenu i le utu. Ti na tekai loa e ia se fa fatu lasi ki le matapa o le tanuma.

Maleko 15:46 ပူးပေါင်းရင်းမြစ်များ

Esaia 22:16

Pe i ai sau nea i leinei, ti ko ai leia e ke maua ia i leinei, Ke ke kenu ai se tanuma i leinei ? Talie kua kenu e ia sona tanuma i le ganea taualuga, Ti kua ta e ia sona nofoaga i le utu !

Esaia 53:9

Na tuku lona tanuma i le kau agaveli, Lona tanuma mo le tagata mou koloa, Kae na leaise fai e ia se veli, Ti na leaise maua se kaka i lona gutu.

Mateo 28:2

Ti ko leinei, na to loa se mafuike lasi ; talie na ifo mai se aselo o le Aliki mei lagi, o fulusi le fatu, ti na ekeeke loa a ia i ona aluga.

Maleko 15:45

I lana iloa papau a ia mei le setulio, na soli loa e ia le tino kia Sosefo.

Maleko 15:47

Ko Malia mei Maketala, mo Malia, tinana o Sosefo, na tio ki le ganea leia na tuku ki ai le tino o Sesu.

Luka 23:53

Na too loa e ia le tino mei le koluse, o kofu ki se kie tea, ti na velo loa e ia a ia ki se tanuma kua ta i le utu, leia na leikiaise tuku ki ai se tasi.

Soane 11:38

Na toe tukumanava loa Sesu i lona loto, ti na ano loa a ia ki le tanuma. Ko se ana a ia, ti na tapono a ia ki se fatu.

Soane 11:41

Na lotou too loa le fatu. Ti na siki loa e Sesu ona mata ki aluga, o pati : Tamana, e kau fakafetai kiate koe, talie kua ke tali au.

Soane 20:1

I le uluaki aso o le vasaa, na ano loa Malia mei Maketala ki le tanuma i le pogipogi usu, kae koi fakapouli ; ti na tio loa a ia kua too le fatu mei le tanuma.