Maleko 15:24 - Tosi Tapu

²⁴ Na lotou tutuki loa a ia ki le koluse, ti na lotou vae loa ona kofu, o toso ke iloa le nea leia e maua e le tagata taki toka tasi.

Maleko 15:24 ပူးပေါင်းရင်းမြစ်များ

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Gaoi 5:30

Kua toe fakatuuake e le Atua o otatou tamana a Sesu, leia na kotou tamate, o tautau a ia ki le laakau.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Tetelonome 21:23

e leaise ke tuku loa le mate ke tau i le laakau i le pouli ki le ao. Kae e ke tanu loa a ia i le aso lena, talie ko leia e tau i le laakau ko se malaia a ia i mua o le Atua, ti e leaise ke fakakelekele loa le fenua leia e tuku atu loa kiate koe e le Eteleno, lou Atua, ke ke maua tofiga.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.