Maleko 15:23 - Tosi Tapu

²³ Ti na lotou fakainu loa kiate ia se vinika kua sui ki le mila, kae na leaise inu loa e ia a ia.

Maleko 15:23 ပူးပေါင်းရင်းမြစ်များ

Pesalemo 69:21

Kua fati loku loto i lauveli mai kiate au, ti kua kau masaki ; E kau talitali ki se alofa mai kiate au, kae noa ; Ki ni iki ke fakapelepele ia au, kae e leaise kau maua ia se tasi.

Mateo 26:19

Na fai loa e le kau tisipulo le nea leia na fakatotonu ake e Sesu kia latou, ti na lotou teuteui loa le Pasikate.

Mateo 27:34

ti na lotou fakainu loa kiate ia se vino kua sui ki le au kona, kae, i lana asiasii a ai, na leaise inu loa e ia.

Maleko 14:25

E kau pati maoki atu kia koutou, e leaise kau toe inu loa ki le fua o le vite, o kaku ki le aso leia e kau toe inu ai loa se vino foou i le puleaga o le Atua.

Luka 22:18

talie e kau fakasa kia koutou, e leaise kau toe inu loa ki le fua o le vite, o kaku ki le au o le puleaga o le Atua.

Luka 23:36

Na gologolo foki le kau solia kiate ia ; na lotou fakafeofi mai, o soli kiate ia se vinika,