Maleko 15:15 - Tosi Tapu

¹⁵ Ko Pilato, i lona fia mata malie ki le kakai, na tuku ia loa Palapasi kia latou ; kae fakatotonu loa e ia ke sasa Sesu ki ni laakau, ti ke tutuki loa a ia ki se koluse.

Maleko 15:15 ပူးပေါင်းရင်းမြစ်များ

Pesalemo 129:3

Na kenu e ni kau gaoi kele loku tua, Na lotou kenu i ai ni popoko loloa.

Pesalemo 57:11

Talie e lasi lou agamalie o kaku ki le lagi, Ti e kaku lou agatonu ki ao.

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Mateo 20:19

ti e lotou tuku loa a ia ki le kau pagani, ke lotou gologolo kiate ia, mo sasa a ia ki laakau, ti mo tutuki a ia i le koluse ; ti e toe tuuake loa a ia i le tolu o aso.

Mateo 27:26

Ti na tuku loa e Pilato kia latou Palapasi ; kae na taofi loa e ia Sesu ke sasa ki ni laakau, mo tuku loa a ia ke tutuki i le koluse.

Maleko 10:34

ala e gologolo loa kiate ia, mo anuanu loa kiate ia, mo sasa loa a ia ki laakau, mo tamate loa a ia ; ti e i le sili o aso e tolu, e toe tuuake loa a ia.

Maleko 15:14

Na pati loa Pilato kia latou : Kolea le nea veli na fai e ia ? Ti na lotou toe kalaga loa o toe leo lasi ake : Kulusifikoi a ia !

Luka 18:33

E lotou sasa loa a ia ki laakau, ti e lotou tamate loa a ia. Kae i le tolu o aso e toe tuuake loa a ia.

Luka 23:16

E kau fakalauatea loa a ia, i le oki o lona sasa.

Soane 19:1

Ti na fakatotonu loa e Pilato ke too Sesu, o ta ki ni kaui maea.

Soane 19:16

Ti na tuku loa e Pilato ke lotou kulusifiko a ia. Na lotou too loa Sesu, o ave.

Gaoi 24:27

Kae i le oki o fetuu e lua, na fetogi loa Felise e Polisiusi Fesitusi. I le fia mata malie a Felise ki le kau Sutea, na tuku loa e ia Paulo i le pilisoni.

Gaoi 25:9

Kae i lona fia mata malie ki le kau Sutea, na tali loa Fesitusi kia Paulo : Pe ke loto ke ke pale ki Selusalemi ke fakamaaui ai a koe o uiga mo nea ana i oku mua ?

Kalate 1:19

kae na leaise kau tio ki se tasi ake o le kau apositolo, gato fai kia Sakopo, le taina o le Aliki.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.