Maleko 14:72 - Tosi Tapu

⁷² I le lakaga fai lena, na koukoua loa se moatoa, ko le tua lua loa a ia. Ti na manatui loa e Petelo le folafola leia na fai e Sesu kiate ia : I mua o le koukoua tua lua o le moatoa, kua ke fakafiti tua tolu loa kiate au. Ti i lana manatu ki ai, na tagi loa a ia.

Maleko 14:72 ပူးပေါင်းရင်းမြစ်များ

Lua tosi a Samuele 24:10

Na logoi loa e Tavite le ta o lona mafu i le oki o le lau o le kakai. Ti na pati loa a ia ki le Eteleno : Kua kau fai se agasala lasi i le nea leinei kua fai ! Ti ko leinei, ei Eteleno, ke ke alofa o fakamolemole le agasala a lau tagata fakasausau, talie kua kau fai se nea fakavale !

Esekiele 16:63

O tupu ke ke manatui le temi kua sili ti ke ke fakasemala, o tupu ke aua na toe fakamavaa loa lou gutu ti ke ke luma, mo ka e kau fakamolemole loa kiate koe a nea fuli ala na ke aga o fai, e pati le Aliki, le Eteleno.

Esekiele 36:31

I le aso lena e kotou manatui loa lokoutou mauli leia na veli, mo akoutou gaoi ala na leaise malilie ; ti e kotou fakalialia loa kia koutou totonu, o tupu ko akoutou agaveli mo akoutou aga fakalialia.

Esekiele 7:16

Ko latou ala na sao e sosola, E lotou nonofo i mauga, ofaipe lupe o vaivailiua, e Lotou fetagisi fuli O tupu ko alatou agaveli.

Mateo 26:34

Na pati loa Sesu kiate ia : E kau pati maoki atu kiate koe, i le po fai leinei, i mua o le koukoua o le moatoa, kua ke fakafiti tua tolu kiate au.

Maleko 14:30

Ti na pati loa Sesu kiate ia : E kau pati maoki atu kiate koe, i le aso nei, i le po fai leinei, i mua o le koukoua tua lua o le moatoa, e ke fakafiti tua tolu loa kiate au.

Maleko 14:68

Ti na fakafiti loa Petelo ki ai, o pati : E leaise kau iloa a ia, e leaise kau matala ki le nea leia e ke pati ki ai. Ti na mavae loa a ia i le malae, o ano ki le matapa. Ti na koukoua loa se moatoa.

Maleko 14:71

Na kamata fai loa e Petelo ni fakamaoki ti mo ni fakapapau, o pati : E leaise kau iloa le tagata lena e kotou masau ki ai.

Luka 22:60

Na tali loa Petelo : Tagata, e leaise kau iloa le nea leia e ke masau ki ai. Ti na fokifa loa, kae koi masau a ia, kua koukoua loa le moatoa.

Luka 22:62

Ti na ulu loa Petelo ki fafo, o tagi mamae.

Lua tosi ki le kau Kolinto 7:10

Koia, ko le loto mamae mei le Atua e fakatupu ia se fakasemala ki le mauli, leia e leaise tou toe fakasemala ki ai, kae ko le loto mamae mei le malama nei e fakatupu ia le mate.