Maleko 14:65 - Tosi Tapu

⁶⁵ Ti na kamata anuanu loa ni iki kiate ia, ti na lotou sai loa ona mata, kae lotou soka loa a ia ki olatou kaito, o pati kiate ia : Fakasa mai kia matou pe ko ai leia na soka ia a koe ! Ti na fepataki loa a ia e le kau tagata fakasausau.

Maleko 14:65 ပူးပေါင်းရင်းမြစ်များ

Lua tosi o Koloniko 18:23

Ti na fakafeofi ake loa kiate ia Setesiasi, vosa o Kenaana, o paai le kalaafau o Mikea, o pati kiate ia : Ko le ala fea leia na ulu atu ai le laumalie o le Eteleno iate au, o masau kiate koe ?

Esitele 7:8

I le toe liliu mai a le sau mei le oloto o le fale sau ki le kogafale o le kai, na tio loa a ia ki le oso a Amane ki le palepale leia na nofo ai Esitele, ti na pati loa a ia : Pe toe loto foki a ia ke fakamakekei e ia le fafine sau i oku mua, i loku fale sau ? I le temi fai leia na ulu mai ai le masau lena mei le gutu o le sau, na puloui loa a mata o Amane.

Sopo 30:10

E lotou fakalialia kiate au, e lotou mafuli kese iate au, Ti e lotou anusi oku mata.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Esaia 52:14

Na fai a ia ki le toka api pe se nea fakaii, I le lasi o le fetogi o ona mata, I le lasi o le fetogi o lona tino, Talie na leaise koi fai a ia pe se tagata,

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Mikea 5:1

Ti ko koe, Peteleemi Efalata, Leia e ikiiki i le tino afe o Suta, Iate koe e au loa kiate au, Leia e pule loa i Iselaele, Leia e pale ana gaoi o kaku ki temi afea, Ki aso o le lee gato.

Numelo 12:14

Ti na pati loa le Eteleno kia Moisese : Kapau na anusi ona mata e lona tamana, pe leaise luma loa a ia i ni aso e fitu ? Ke tapono a ia i ni aso e fitu i fafo o le nofolaga ; kao oki loa a ia, ti o toe fakaulu loa a ia ki le nofolaga.

Mateo 27:30

Ti na lotou anuanusi loa a ia, ti na lotou too loa le fa u, o sasa ai lona ulu.

Maleko 10:34

ala e gologolo loa kiate ia, mo anuanu loa kiate ia, mo sasa loa a ia ki laakau, mo tamate loa a ia ; ti e i le sili o aso e tolu, e toe tuuake loa a ia.

Maleko 15:19

Ti na lotou sasa lona ulu ki se fa u, ti na lotou anuanu kiate ia, ti na lotou peluki olatou tuli o tulolo i ona mua.

Soane 18:22

I pati ana, ko se tasi o le kau leo, ala na nonofo i ai, na paai ia loa Sesu, o pati : Pe ke tali fenaaki ki le pule faisakilifisio ?

Soane 19:3

o pati : Malo, sau o le kau Sutea ! Ti na lotou fepataki loa a ia.

Gaoi 23:2

Ti na fakatotonu loa e le pule faisakilifisio ko Ananiasi kia latou ala na tutuu i ona tafa ke paai lona gutu.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.