Maleko 14:61 - Tosi Tapu

⁶¹ Kae na fakalologo loa Sesu, ti na leaise tali loa a ia ki se nea. Na toe vesili loa le pule faisakilifisio kia Sesu, o pati : Pe ko koe ko le Kilisito, ko le Alo o le Atua manuia ?

Maleko 14:61 ပူးပေါင်းရင်းမြစ်များ

Pesalemo 119:12

Ei Eteleno, e kau fakafetai ki lou suafa ! Ako mai kiate au au lekula !

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Pesalemo 39:9

Saofaki au i aku agatuu fuli ! Aua na ke tuku au ke kau luma i mua o le tagata valea !

Esaia 53:7

Na fakaveliveli a ia mo fakamamae, Kae na leaise fakamavaa fua e ia lona gutu, Ofaipe se akeno leia e taki ki le fale tamate manu, Se ovi fafine gutu mate i mua o latou ala e koti ia a ia ; Na leaise fakamavaa fua e ia lona gutu.

Mateo 16:16

Na tali loa Simone Petelo : Ko le Kilisito a koe, ko le Alo o le Atua mauli.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Mateo 8:29

Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Maleko 14:60

Ti na tuu loa ki aluga le pule faisakilifisio, i loto malie o le fakatasi, o fakavesilii Sesu, o pati : Pe leaise ke tali ki se nea ? Kolea e fakamaoki ai latou anei kiate koe ?

Maleko 15:2

Ti na vesili loa Pilato kia Sesu : Pe ko le sau a koe o le kau Sutea ? Ti na tali loa Sesu kiate ia : Kua ke pati ki ai.

Soane 1:34

Ti na kau tio, ti na kau fakamaoki ko le Alo a ia o le Atua.

Soane 10:24

Na takatakai loa a ia e le kau Sutea, o pati kiate ia : E kaku kiafea lau taofi matou i le fia ilo ? Kapau ko le Kilisito a koe, fakasa totonu mai kia matou.

Soane 10:36

ko leia kua fakatapui e le Tamana, o kakau mai ki le malama nei, e kotou pati kiate ia : E ke fatituu ki le Atua ! talie na kau pati : ko le Alo au o le Atua.

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 19:7

Ti na tali loa le kau Sutea kiate ia : E i ai lamatou lao ; ti i lamatou lao, e tonu ke mate a ia, talie na pati a ia ko le Alo a ia o le Atua.

Soane 19:9

Ti na toe ulu loa a ia ki le peletolio, o pati kia Sesu : Pe ke au meifea ? Kae na leaise toe fai loa e Sesu se tali kiate ia.

Gaoi 8:32

Ko le koga tosi leia o le Tosi tapu na lau e ia ko ia leinei : Na taki a ia ofaipe se ovi fafine ki le fale tamate manu ; Ti, ofaipe se akeno gutu mate i mua o leia e koti ia a ia, Na leaise fakamavaa fua e ia lona gutu.

Uluaki tosi kia Timoteo 1:11

leia e mulimuli ki le Evaselio o le kololia o le Atua manuia, Evaselio leia kua tuku mai kiate au.

Uluaki tosi kia Timoteo 6:15

leia e fakasa loa i lona temi e le Aliki taualuga toka tasi mo manuia, le Sau o atu sau, le Aliki o aliki,

Uluaki tosi a Petelo 2:23

a ia leia na nukinukii, kae na leaise tali fua a ia ki se nukinuki, ti na fakavelivelii kae na leaise fai e ia se tali fakamakeke, kae na fakalogo fai a ia ki leia e fakamaaui i le faitotonu ;