Maleko 14:55 - Tosi Tapu

⁵⁵ Na afa loa e le kau pule faisakilifisio mo le fono lasi katoa se fakamaoki kia Sesu, ke tamate ai a ia, ti na leaise lotou maua fua se nea ;

Maleko 14:55 ပူးပေါင်းရင်းမြစ်များ

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Pesalemo 27:12

Aua na ke tuku au ke faifaitalisa ki ai oku fili, Talie e tutuu mai kiate au ni kau fakamaoki loi Ti mo ni kakai e tukumanava ata ki le agamakeke.

Pesalemo 35:11

Kua tuu ki aluga ni kau fakamaoki loi : E lotou vesili kiate au le nea leia e leaise kau iloa.

Taniela 6:4

Ti na afa loa e le kau pule mo le kau aliki se faigamalie ke fakalakasala ai Taniela o uiga mo nea o le puleaga. Kae na leaise lotou maua se faigamalie, pe ko se nea ke fakalakasala ai, talie na agatonu a ia ti na leaise maua iate ia se sala pe ko se nea veli fua e tasi.

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Maleko 14:56

talie na toka api latou ala na fai ia ni fakamaoki loi kiate ia, kae na leaise tatau alatou fakamaoki.

Soane 18:19

Na fakavesilii loa Sesu e le pule faisakilifisio o uiga mo ana tisipulo ti mo lana akonaki.

Soane 18:21

Kolea e ke fakavesilii ai au ? Vesili kia latou ala kua logo kiate au, o uiga mo nea ala na kau fakasa kia latou ; ko leinei, e lotou iloa le nea leia na kau masau ki ai.