Maleko 14:41 - Tosi Tapu

⁴¹ Na toe liliu mai loa a ia i le tua tolu, o pati kia latou : Kotou momoe la i le temi nei mo kotou malolo ! Kua feauga ! Kua soko mai le ola ! Ko leinei, ka tuku loa le Vosa o le tagata ki lima o le kau agasala.

Maleko 14:41 ပူးပေါင်းရင်းမြစ်များ

Uluaki tosi o Sau 18:27

I le lalatea, na gologolo loa Elia kia latou, o pati : Kotou kalaga leo lasi, talie e atua a ia ; e lagi manatu a ia ki se nea, pe lagi e visia a ia, pe lagi kua folau a ia ; pe lagi moe a ia, pe lagi koi ala ake a ia.

Uluaki tosi o Sau 22:15

I le kaku loa a Mikea ki le sau, na pati loa le sau kiate ia : Mikea, pe tonu ke motou ano o taui Lamoti i Kalaate, pe tonu ke motou fakafiti ki ai ? Na tali loa Mikea kiate ia : Pale ! E ke malo loa, talie e soli loa Lamoti e le Eteleno ki lima o le sau.

Lua tosi o Sau 3:13

Ti na pati loa Eliseo ki le sau o Iselaele : Kolea kua ke au ai kiate au ? Ano ki le kau polofeta o lou tamana mo le kau polofeta o lou tinana. Ti na pati loa le sau o Iselaele kiate ia : Leai ! talie kua fakatasii e le Eteleno a sau anei e toka tolu, o tupu ke soli e ia latou ki lima o Moape.

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Mateo 26:2

E kotou iloa koi toe fai ni ga aso e lua ki le Pasikate, ti e tuku loa le Vosa o le tagata ke tutuki i le koluse.

Maleko 14:10

Ko Sutasi Isekaliote, ko se tasi o le tino agafulu tupu lua, na ano loa ki le kau pule faisakilifisio, o tupu ke fakatau e ia Sesu kia latou.

Maleko 14:18

I le lolotoga o le kai, na pati loa Sesu : E kau pati maoki atu kia koutou, ko le tasi o koutou, leia e kai mo au, e fakatau ia loa au.

Maleko 14:35

Ti na toe fakamamao fakaikiiki atu loa a ia, ti na punou loa a ia ki le kele, o faikole ke fakamamao atu le ola lena iate ia.

Maleko 14:40

Ti na toe liliu mai loa a ia, o toe maua latou kua momoe ; talie kua mamafa ai olatou mata. Na leaise lotou iloa se nea leia ke tali kiate ia.

Maleko 14:42

Kotou tutuu ki aluga, o ano ! Ko leinei leia e fakatau ia au !

Maleko 7:9

Na toe pati foki a ia kia latou : E kotou poto i le tiaki o fakatotonu a le Atua, o tupu ke tausi lakotou talatisio.

Maleko 9:31

Talie na akonaki a ia ki ana tisipulo, o pati kia latou : E tuku loa le Vosa o le tagata ki lima o tagata ; ti e lotou tamate loa a ia. Ti ka oki loa ni aso e tolu ki lona mate, e toe tuuake loa a ia.

Soane 12:23

Na tali loa Sesu kia laua : Kua soko mai le aso leia e tonu ke fakakololia ai le Vosa o le tagata.

Soane 12:27

I le lakaga nei kua mamae loku laumalie. Ti kolea e kau pati loa ki ai ? Tamana, saofaki au mei le ola leinei ?… Kae na kau au o tupu ko le ola lena o kaku mai ki le aso nei !

Soane 17:1

I le oki o lana masau a ia, na siki loa e Sesu ona mata ki le lagi, o pati : Tamana, kua soko le ola ! Fakakololia lou Alo, o tupu ke fakakololia a koe e lou Alo,

Soane 7:30

Na lotou afa loa ke too a ia, kae na leaise fafa loa le lima o se tasi kiate ia, talie na leikiaise soko lona ola.

Soane 8:20

Na fakasa loa e Sesu a folafola ana, i lana akonaki i le fale tapu, i le ganea leia na tanaki ai a koloa, ti na leaise too loa a ia e se tasi, talie na leikiaise soko lona ola.

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,

Tuifakamaau 10:14

Kotou ano, kotou tagi ki atua ala na kotou aga o filifili ; ke lotou saofaki koutou i le temi o lokoutou mamae !