Maleko 14:38 - Tosi Tapu

³⁸ Kotou alaala, ti kotou faikole, ke aua na kotou siga ki le fakasala ; e makeke le laumalie, kae e gaegae le tino.

Maleko 14:38 ပူးပေါင်းရင်းမြစ်များ

Mateo 24:42

Kotou alaala, talie e leaise kotou iloa le aso leia e au ai loa lokoutou Aliki.

Mateo 25:13

Koia kotou alaala ai, talie e leaise kotou iloa le aso mo le ola.

Mateo 26:41

Kotou alaala ti kotou faikole, ke aua na kotou siga ki le fakasala ; e makeke le laumalie kae gaegae le tino.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Maleko 14:34

Ti na pati loa a ia kia latou : E mamae loku laumalie o kaku ki le mate ; kotou nonofo i leinei, ti kotou alaala.

Maleko 14:37

Ti na au loa a ia ki le kau tisipulo, o maua latou kua momoe, ti na pati loa a ia kia Petelo : Simone, e ke moe ! Na leaise ke mafai ia le alaala i se ga ola fua e tasi !

Maleko 14:39

Na toe fakamamao loa a ia, o toe fai le kole lena.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Luka 22:40

I lana kaku ki le ganea lena, na pati loa a ia kia latou : Kotou faikole o tupu ke aua na kotou siga ki le fakasala.

Luka 22:46

ti na pati loa a ia kia latou : Kolea e kotou momoe ai ? Kotou tutuu o faikole, o tupu ke aua na kotou siga ki le fakasala.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Kalate 5:17

Talie e fakafesagai a oli o le kanofi ki oli o le Laumalie, ti e fakafesagai a oli o le Laumalie ki oli o le kanofi ; e lotou fefakafesagaiaki ia latou, o tupu ke aua na kotou fai le nea leia e kotou loto ki ai.

Filipe 2:12

Koia, ei oku alofaaga, ofaipe lakoutou patigaofie tuumau, o leaise gato fua mo ka kau nofo mo koutou, kae toe asili ake mo ka kau puli, kotou gaoi ki lokoutou saofaki i le i mo le lulu ;

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.

Apokalipisi 3:10

Talie na ke tausi le folafola o le kataki fualoa iate au, e kau tausi loa a koe i le ola o le asiasii leia ka au ki le malama nei katoa, ke asiasii ai le kakai o le malama nei.