Maleko 13:9 - Tosi Tapu

⁹ Kotou tokaga kia koutou totonu. E ave loa koutou ki telepinale, ti e sasa loa koutou ki ni laakau i sinakoka ; e kotou tutuu loa i mua o ni kovana ti mo ni sau, o tupu ko au, talie ke kotou fakasa le maoki kia latou.

Maleko 13:9 ပူးပေါင်းရင်းမြစ်များ

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Maleko 1:44

o pati kiate ia : aua na ke fakasa fua se nea ki se tasi ; kae ke ano o fakasa a koe ki le tagata faisakilifisio, ti ke momoli o uiga mo lou fakamea le nea leia na fakatotonu e Moisese, o tupu ke fakamaoki kia latou.

Maleko 13:5

Na pati loa Sesu kia latou : Kotou tokaga na kakaai koutou e se tasi.

Maleko 13:8

E tau loa se kakai ki se tasi kakai, ti mo se puleaga ki se tasi puleaga ; e i ai loa ni mafuike i potu kesekese, ti e i ai loa mo ni oge. Ko le kamataaga loa a ia o mamae o le fanauga.

Maleko 6:11

Ti kapau e i ai i se ganea ni kakai ala e leaise tali ia koutou pe leaise fia logo kia koutou, kotou mavae i ai, ti kotou tutuui le efu i okoutou vae, o tupu ke liliu le nea lena ko se fakamaoki kia latou.

Luka 9:5

Ti kapau e leaise tali koutou e le kakai, kotou mavae mei le kolo lena, ti kotou tutui le efu i okoutou vae, ko se fakamaoki a ia kia latou.

Soane 15:20

Kotou manatui le folafola leia na kau fakasa atu kia koutou : E leaise lasi ake le tagata fakasausau i lona pule. Kapau na lotou fakavelivelii au, ti e lotou toe fakavelivelii foki mo koutou ; kapau na lotou fai laku folafola, ti e lotou toe fai foki lakoutou folafola.

Soane 16:2

E lotou kapu loa koutou mei sinakoka ; ti e soko mai loa le ola, ko leia e tamate ia loa koutou e tui loa a ia ko lana gaoi malie a ia ki le Atua.

Gaoi 21:11

o au loa kia matou. Na too loa e ia le kilipipi o Paulo, o sai ki ona vae mo ona lima, o pati : Ko leinei le nea leia e fakasa e le Laumalie Maokioki : Ko le tagata leia o ona le kilipipi leinei, e saisai feneeki loa a ia e le kau Sutea i Selusalemi, ti e lotou tuku loa a ia ki lima o le kau pagani.

Gaoi 7:54

I lalatou logo ki masau ana, na itaita loa i olatou loto, ti na lotou gugu loa olatou nifo kiate ia.

Gaoi 9:16

ti e kau fakasa loa kiate ia a nea fuli ala e tonu ke mamae ai o tupu ko loku suafa.

Filipe 1:29

ti e au le nea lena mei le Atua, talie kua tuku atu kia koutou le kalasia, o tupu ko Kilisito, ke aua na gato fua i lakotou tui kiate ia, kae ke kotou toe mamae foki o tupu ko ia,

Lua tosi ki le kau Tesalonika 1:5

Ko le fakamaoki lena o le fakamaau faitotonu o le Atua, o tupu ke lau kotou e kotou gali mo le Puleaga o le Atua, leia e kotou mamae ai.

Lua tosi a Soane 1:8

Kotou tokaga fua kia koutou totonu, o tupu ke aua na puli le fua o lakotou gaoi, kae ke kotou maua se fakapale lasi.

Apokalipisi 1:9

Ko au Soane, ko lokoutou taina, leia e kau mo koutou ki le mamae, mo le puleaga, ti mo le kataki fualoa ia Sesu, na kau nofo i le motu leia e igoa ko Patemosi, o tupu ko le folafola a le Atua ti mo le fakamaoki o Sesu.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 2:13

E kau iloa le ganea leia e ke nofo ai, e kau iloa e tuu i ai le ekeekeaga sau o Satana. E ke taofi mau loku suafa, ti na leaise ke fakafiti ki le tui kiate au, io, i aso foki o Atipasi, ko laku tagata fakamaoki agatonu, leia na tamate ia koutou, i le ganea leia e tuu ai le nofoaga o Satana.