Maleko 13:7 - Tosi Tapu

⁷ Ka kotou logo loa ki le masau ki ni tau kua soko, ti mo ni tau e teuteui, aua na kotou i, talie e tonu ke soko a nea ana. Kae e leaise ko le aso fakamuli loa lena.

Maleko 13:7 ပူးပေါင်းရင်းမြစ်များ

Lua tosi a Samuele 14:14

E maoki e tonu ke tou mamate fuli, ti e tou tatau loa mo le vai leia e maligi ki le kele, leia e leaise mafai ke toe fakatasii ; e leaise too e le Atua le mauli, ti e leaise loto a ia ke mamao mei lona agai le tagata leia na sola.

Pesalemo 112:7

E leaise tuania e ia ni logo veveli ; E makeke lona loto, o fanaki ki le Eteleno.

Pesalemo 27:3

Kapau e tanaki se kau tau kiate au, E leaise i fua loku loto. Kapau e lagai mai se tau kiate au, E kau apele loa i le fanaki i le nea lena.

Taagapati 3:25

Aua na ke tuania se tutamaki fakapunamauli, Pe ko se pikoi a le kau agaveli ;

Esaia 8:12

Aua na kotou fakaigoa ko le tau a nea fuli ala e fakaigoa e le kakai leinei ko le tau ; Aua na kotou i ki le nea leia e lotou i ki ai, ti aua na kotou lulu.

Selemia 51:46

Ke aua na kotou loto gaegae, ti ke aua na kotou i, O tupu ko logoa ala e mafola loa i le fenua ; Talie e soko loa se logoa i le fetuu leinei, Ti mo se tasi i le fetuu ka au, E pule loa le fakamakeke i le fenua, Ti e malaga ake loa se pule fakamakeke ki se tasi pule fakamakeke.

Mateo 18:7

Malaia ki le malama nei o tupu ko fakasala ! Talie e aoga ke soko ni fakasala ; kae malaia ki le tagata leia e tupu mei ai le fakasala !

Mateo 2:3

I le logo a le sau ko Elote ki le nea lena, na mamae loa lona loto, mo Selusalemi katoa.

Maleko 13:6

Talie e au loa le toka api i loku suafa, o pati : Ko au. Ti e lotou kakaai loa se kakai toka api.

Maleko 13:8

E tau loa se kakai ki se tasi kakai, ti mo se puleaga ki se tasi puleaga ; e i ai loa ni mafuike i potu kesekese, ti e i ai loa mo ni oge. Ko le kamataaga loa a ia o mamae o le fanauga.

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Gaoi 17:3

o fakamatala mo fakasa kia latou na tonu ke mamae le Kilisito, ti ke toe tuuake a ia mei le kau mate. Ti na pati loa a ia : Ko le Sesu leia e kau fakasa atu kia koutou, ko le Kilisito a ia.