Maleko 13:24 - Tosi Tapu

²⁴ Kae i aso ana, i le oki o le mamae lena, e fakapouli loa le laa, ti e leaise toe tuku mai loa e le masina lona malama,

Maleko 13:24 ပူးပေါင်းရင်းမြစ်များ

Esaia 13:10

Talie e leaise toe mu loa a fetuu o le lagi mo fetuu liliki fuli, Ti e fakapouli loa le laa i lona sopo, Ti e leaise toe mu loa le masina.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Esekiele 32:7

I le aso leia e kau tamate ai loa a koe, e kau uufi loa le lagi ki se kie, E fakapouli loa a fetuu, E kau tapono loa le laa ki ao, E leaise toe sa loa le malama o le masina.

Taniela 12:1

I le temi aia, e tuu ake loa Misaele, ko le pule lasi, ko le taupau o fanau o lou kakai ; ti e soko loa se temi mamae lasi ai, leia e leikiaise sona tatau talu mei le tuu o atu puleaga o kaku mai ki le temi nei. I le temi aia, ko latou ala o lou kakai e maua loa na tosi i le tosi e fakamauli loa.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Soele 2:10

I olatou mua e lulu le kele, E galulu le atu lagi, E fakapouli le laa mo le masina, Ti e puli le gigila o fetuu.

Soele 3:15

Kua fakapouli le laa mo le masina, Ti kua puli le gigila o fetuu.

Amosi 5:20

Pe leaise fakapouli le aso o le Eteleno, ti e leaise malama ? Pe leaise ko se aso fakapouli veli a ia, mo sala malama ?

Maleko 13:23

Ke kotou tokaga : Kua kau fakasa fakatomua atu kia koutou a nea fuli.

Lua tosi a Petelo 3:10

E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.

Lua tosi a Petelo 3:12

Kotou talitali ti kotou gaoi ke soko vave le aso o le Atua, aso leia e maumaui ai loa e le afi le atu lagi, ti e okioki ai loa a nea o le lagi i le tutu e ula o le afi !

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.