Maleko 13:19 - Tosi Tapu

¹⁹ Talie e lasi ake loa le mamae i aso ana i mamae fuli ala kua sa talu mei le fakatupu o le malama nei e le Atua o kaku mai ki le temi lena, ti e leaise toe loa i ai ni iki o tatau mo latou ki muli.

Maleko 13:19 ပူးပေါင်းရင်းမြစ်များ

Tagi laulau a Selemia 1:12

E kau masau kia koutou, kia koutou fuli ala e fakalaka i leinei ! Kotou tio ti kotou iloa pe i ai se mamae e tatau mo loku mamae, Mo leia kua taai au ki ai ! Kua fakamamae au e le Eteleno i le aso o lona sausau lasi.

Tagi laulau a Selemia 2:13

Kolea e tonu ke kau fakasa kiate koe ? Kolea ke kau fakatatau a koe ki ai, taine o Selusalemi ? Ko ai e toe tatau mo koe, ti ko le fakapelepele fea leia ke fai kiate koe, Taupoou, taine o Sione ? Talie e lasi lou lavea ofaipe le tai : Ko ai e mafai loa ke faitoo ia a koe ?

Tagi laulau a Selemia 4:6

Kua lasi ake le tautea o le taine o loku kakai I leia o Sotoma, Leia na maumaui i se kemo o le mata, Kae na leaise teki le lima o se tasi kiate ia.

Taniela 12:1

I le temi aia, e tuu ake loa Misaele, ko le pule lasi, ko le taupau o fanau o lou kakai ; ti e soko loa se temi mamae lasi ai, leia e leikiaise sona tatau talu mei le tuu o atu puleaga o kaku mai ki le temi nei. I le temi aia, ko latou ala o lou kakai e maua loa na tosi i le tosi e fakamauli loa.

Taniela 9:12

Kua fakasoko e ia a folafola ala na puaki kia matou ti mo omatou pule ala na lagiaki ia matou, na kakau mai e ia kia matou se malaia lasi, ti e leikiaise toe soko se malaia felaaki i le lalo lagi nei, se malaia o tatau mo leia kua soko ki Selusalemi.

Taniela 9:26

I le oki o vasaa e kau ono tupu lua, e too loa le Mesia, ti e leaise maua loa sona fetogi. E au loa se pule mo lana solia, o maumaui le kolo mo le fale tapu. Kae e soko loa lona fakaoki ofaipe se lomaki ; kae o kaku ki lona mate, e fai loa e ia se tau maumau, o mulimuli ki le nea leia kua fakatotonu.

Soele 2:2

Aso o fakapouli mo le pouli loloto, Aso o ao mo kokofu, E au a ia ofaipe le mafola o le pouli i aluga o mauga. Ko leinei se kakai toka api mo makeke, Leia e leai sona tatau, Ti e leaise toe maua sona tatau i temi ki muli.

Mateo 24:21

Talie, i aso ana, e soko loa se mamae lasi, leia e leai sona tatau talu mei le kamataaga o le malama nei o kaku mai ki le aso nei, ti e leaise toe maua foki sona tasi ake tatau i se aso.

Maleko 10:6

Kae i le kamataaga o le fakatupu o le malama nei, na fakatupu e le Atua le tagata mo le fafine ;

Maleko 13:18

Kotou faikole ke aua na soko a nea ana i le temi momoko.

Maleko 13:20

Ti kanapau na leaise fakatoetoe e le Aliki a aso ana, e leaise saofaki loa se tasi ; kae na fakatotoe e ia a aso ana o tupu ko lana kau filifiliia.

Tetelonome 28:59

e tautea loa a koe e le Eteleno, a koe mo lou sakoga, ki ni malaia lalasi mo fualoa, ki ni masaki veveli mo fualoa.

Tetelonome 4:32

Ke ke vesili ki aso o le temi mago, ala na muamua iate koe, mei le aso leia na fakatupu ai e le Atua le tagata i le kele, mei leia potupotu ki leia potupotu : Pe kua soko i se aso se nea fenaaki ? Pe kua logo se tasi ki se masaui o se nea fenaaki ?

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.