Maleko 13:14 - Tosi Tapu

¹⁴ Ka kotou tio loa ki le tagata leia e igoa ko le Fakalialia o le veli, kua fakanofo i le ganea leia e leaise tonu ke nofo ai, ko leia e lautosi ke matala ! Ti ko latou ala e nonofo loa i Sutea ke fesolaki ki mauga ;

Maleko 13:14 ပူးပေါင်းရင်းမြစ်များ

Tagi laulau a Selemia 1:10

Na falo e le tagata fakaveliveli lona lima Ki nea mauiga fuli na maua e ia ; Na tio a ia ki le ulu o atu puleaga ki lona sagatualio, Ala na ke tapui ki ai ke ulu ki lau fakatasiga.

Esekiele 44:9

Koia e folafola le Aliki, le Eteleno, o pati : E leaise ulu loa ki loku sagatualio se matapule e tasi, leia e lee silikosisio i lona loto ti e lee silikosisio i lona tino, io, e leaise ulu loa se matapule e tasi ia latou ala e nonofo i loto malie o fanau o Iselaele.

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Taniela 12:11

Mei le temi leia e fakagato ai loa le failaulau o aso taki tasi, ti e fakatuu ai loa i le aletale le fakalialia a le tagata maumau, e i ai loa ni aso e afe kau lelau lua kau iva.

Taniela 8:13

Na kau logo loa ki le masau a se aselo, ti na tali loa se tasi ake aselo ki leia na masau : Pe fualoa loa le temi leia e soko ai le tio ki le sakilifisio o aso taki tasi, mo le agasala o le tagata maumau ? Pe kaku loa kiafea le takatakafi o le sagatualio mo le solia o le lagi ?

Taniela 9:27

I le vasaa fakaoki, e fai loa e ia se sai makeke mo se i. Ti e fakagato loa e ia i loto malie o le vasaa a failaulau mo moliga ; e fai loa e le tagata maumau ni nea fakalialia lasi, o kaku ki le temi leia e maumaui ai loa a ia ti e vilo ai loa kiate ia le nea leia kua fakatuutuu.

Mateo 13:51

Pe kua kotou matala ki nea fuli ana ? Na lotou tali loa : E io.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Apokalipisi 1:3

Manuia leia e lau ia le tosi ti mo latou ala e fakalogo ki folafola o le folafola kikite, ti mo fai ia a nea fuli ala e tosi i ai ! Talie kua ofi le temi.

Apokalipisi 13:18

Ko leinei le poto. Ke lau e leia e maua ia se atamai le numelo o le manu fekai. Talie ko se numelo a ia o le tagata, ti ko lona numelo ko kau lelau e ono kau ono tupu ono.