Maleko 12:7 - Tosi Tapu

⁷ Kae na pati loa a tagata faivite ana : Ko leinei le vosa leia e maua tofiga ; kotou au, tou tamate a ia, ti tou maua loa le tofiga.

Maleko 12:7 ပူးပေါင်းရင်းမြစ်များ

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Senesi 37:20

Kotou au i le temi nei, tou tamate a ia, ti tou ti loa a ia ki se sosoni i sosoni anei. E tou pati loa kua kai a ia e se manu fekai, ti e tou tio loa pe iku feaki loa ana moe miti.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.

Mateo 21:34

I le temi o le fuata, na kakau loa e ia ana tagata fakasausau ke ano ki le kau tagata faivite, o afa le fua o lana vite.

Maleko 12:12

Na lotou afa ke too a ia, kae na lotou tuania ia le kakai. Na lotou matala loa na fakasa e Sesu le folafola fakatata lena kia latou. Ti na lotou mavae loa iate ia, o ano.

Maleko 12:6

Ti na koi maua e ia se vosa alofaina ; na kakau fakamuli loa e ia a ia kia latou, o pati : E lotou fakaapaapa loa ki loku vosa.

Maleko 12:8

Ti na lotou too loa a ia, o tamate, ti na lotou ti loa a ia ki le tua vite.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Gaoi 5:28

Pe na leaise motou tapui fakamakeke atu kia koutou le akonaki i le igoa lena ? Ti ko leinei, kua kotou fakaapele Selusalemi ki lakoutou akonaki, ti e kotou loto ke vilo kia matou le toto o le tagata lena !

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.