Maleko 12:6 - Tosi Tapu

⁶ Ti na koi maua e ia se vosa alofaina ; na kakau fakamuli loa e ia a ia kia latou, o pati : E lotou fakaapaapa loa ki loku vosa.

Maleko 12:6 ပူးပေါင်းရင်းမြစ်များ

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Senesi 22:2

Na pati loa le Atua : Too lou vosa, lou vosa fuatasi, leia e ke alofa ki ai, ko Isaake ; ano ki le fenua o Molisa, ti ke momoli loa a ia i le ganea lena ko se failaulau i aluga o se mauga leia e kau fakasa loa kiate koe.

Senesi 37:3

Na alofa Iselaele kia Sosefo o lasi ake i ona vosa fuli, o tupu na maua e ia a ia i lona matua ; ti na fai loa e ia se kofu lanu kesekese kiate ia.

Senesi 44:20

Na motou tali : Koi mauli lomatou tamana kae kua matua, ti e i ai foki somatou taina muli leia na tupu kiate ia i lona temi matua. E alofa kese lomatou tamana ki le toe lena, talie ko le toe a ia e tasi koi toe kiate ia i le fafine leia na alofa mamae a ia ki ai ; kua mate le tasi a vosa.

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 26:63

Na fakalologo loa Sesu. Ti na masau loa le pule faisakilifisio, o pati kiate ia : E kau fakapapau atu i mua o le Atua mauli, fakasa mai kia matou pe ko Kilisito a koe, ko le Alo o le Atua.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Maleko 1:11

Ti na fakasa loa e se leo mei le lagi a folafola anei : Ko loku Alo alofaina a koe, leia kua kau tuku ki ai loku alofa katoa.

Maleko 12:5

Na toe kakau loa e ia se tasi ake tagata fakasausau, leia na lotou tamate loa ; ti mo ni iki ake o toka api, kae na lotou sasa ni iki, ti tamate ni iki.

Maleko 12:7

Kae na pati loa a tagata faivite ana : Ko leinei le vosa leia e maua tofiga ; kotou au, tou tamate a ia, ti tou maua loa le tofiga.

Maleko 9:7

Na au loa se ao o uufi latou, ti na sa loa se leo mei le ao : Ko ia leinei ko loku Alo alofaina : Kotou fakalogo kiate ia !

Luka 3:22

ti na ifo loa le Laumalie Maokioki kiate ia o fakaata ki se lupe. Ti na fakasa loa e se leo mei le lagi, o pati : Ko koe ko loku Alo alofaina, ti ko koe leia kua kau tuku ki ai loku alofa katoa.

Luka 9:35

Ti na logo mai loa se leo mei le ao, o pati : Ko ia leinei ko loku Alo filifiliia, kotou fakalogo kiate ia !

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 1:34

Ti na kau tio, ti na kau fakamaoki ko le Alo a ia o le Atua.

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 3:35

E alofa le Tamana ki le Alo, ti kua tuku e ia a nea fuli ki ona lima.

Soane 5:23

o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Epelo 1:6

Ti i lana fakaulu le uluaki tupu ki le malama nei, na toe pati a ia : Ke atolasio kiate ia a aselo fuli o le Atua

Uluaki tosi a Soane 4:9

Na fakasa le alofa o le Atua kia tatou i lana kakau mai lona Alo fuatasi ki le malama nei, o tupu ke tou mauli iate ia.

Tolu tosi a Soane 1:1

Ko le tagata fakamatuatua, kia Kaiusi, ko le alofaaga, leia e kau alofa ki ai i le maoki.