Maleko 12:28 - Tosi Tapu

²⁸ Ko se tasi o le kau sekelipa, leia na fakalogo ki lalatou masau, ti na tio ki le malie o le tali a Sesu ki le kau Satuseo, na fakafeofi ake loa, o vesili kiate ia : Ko le fakatotonu fea e lasi oki i fakatotonu fuli ?

Maleko 12:28 ပူးပေါင်းရင်းမြစ်များ

Mateo 19:18

Ti na tali loa Sesu : Aua na ke tukipo ; aua na ke tono ; aua na ke kaia ; aua na ke fakamaoki loi ; fakaapaapa ki lou tamana mo lou tinana ;

Mateo 23:23

Malaia kia koutou, kau sekelipa mo kau faliseo malualoi ! Talie e kotou totogi le vaega kau agafulu o le menete, mo le aneti, mo le kumini, kae e kotou tuku kese a nea mauiga o le lao, le faitotonu, mo le manavaalofa, ti mo le maokioki : Ko na a nea ala e tonu ke fai, ti e leaise fakanoai foki mo la ake a nea.

Mateo 5:19

Ko leia e soloi ia loa se fakatotonu e tasi o fakatotonu liliki oki ana, ti mo ako ia loa ki tagata ke fai fenaaki, e fakaigoa loa a ia ko le tagata ikiiki oki i le Puleaga o le atu lagi ; kae ko leia e fai ia loa latou, ti mo ako ia loa ke fai latou, ko ia lena e fakaigoa loa ko le tagata lasi i le Puleaga o le atu lagi.

Maleko 9:14

I lalatou kaku ki le kau tisipulo, na lotou tio loa ki se kakai lasi kua takatakai ia latou, ti na masau ni sekelipa mo latou.

Luka 11:42

Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Luka 20:39

Na pati loa ni iki o le kau sekelipa kiate ia : Pule, kua ke masau malie ai.