Maleko 12:26 - Tosi Tapu

²⁶ Ki le toe tuuake o le kau mate, pe na leaise kotou lau i le tosi a Moisese, le nea leia na fakasa e le Atua kiate ia i le ga ulu vao : Ko au ko le Atua o Apalaamo, ko le Atua o Isaake, ti ko le Atua o Saakopo ?

Maleko 12:26 ပူးပေါင်းရင်းမြစ်များ

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Senesi 32:9

Na faikole loa Sakopo, o pati : Atua o loku tamana ko Apalaamo, Atua o loku tamana ko Isaake, Eteleno leia na pati mai kiate au : Toe liliu ki lou fenua mo lou ganea tupu, ti e kau fai loa kiate koe le nea malie.

Senesi 33:20

Ti na fakatuu loa e ia se aletale i le ganea lena, o soli loa e ia ki ai le igoa ko Ele-Eloe-Isalaele : Atua, ko le Atua o Iselaele.

Ekesote 3:16

Ke ke ano, ti ke fakatasi le kau matua o Iselaele, ti ke pati loa kia latou : Ko le Eteleno, le Atua o okoutou tamana, le Atua o Apalaamo, mo Isaake, mo Sakopo na sa mai kiate au. Ti na pati mai a ia : Kua kau tio kia koutou, ti kua kau tio ki le nea leia e fai kia koutou i Esipito,

Maleko 12:10

Pe na leaise kotou lau le folafola leinei o le Tosi : Ko le fatu leia na tiaki e le kau tufuga Na liliu ko le fatu tafito o le agele ;

Maleko 12:25

Talie i le toe tuuake o le kau mate, e leaise too loa e tagata ni fafine, pe ko fafine ni tagata, kae e lotou liliu loa ofaipe le kau aselo i le lagi.

Luka 20:37

Ki le toe tuuake o le kau mate, na fakasa le nea lena e Moisese, mei le ulu vao ulaula, i lana fakaigoa le Aliki, ko le Atua o Apalaamo, ko le Atua o Isaake, ti ko le Atua o Sakopo.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Loma 11:2

Na leaise tiaki e le Atua lona kakai, leia na iloa fakatomua e ia. Pe leaise kotou iloa le nea e fakasa e le Tosi o uiga mo Elia, lana tagi leia na fai ki le Atua o uiga mo Iselaele :