Maleko 12:24 - Tosi Tapu

²⁴ Na tali loa Sesu kia latou : Ko leinei le tupuaga o lakotou fai sala : E leaise kotou matala ki le Tosi ti mo le mafimafi o le Atua.

Maleko 12:24 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 26:19

Ke toe mauuli ou mate ! Ke toe tutuu ake ki aluga oku mate ! Kotou alaala ti kotou fiafia, kakai o le efu ! Talie ko lou sasau ko se sasau fakamauli, Ti e toe soli loa e le kele le malama o le aso ki le kau mate.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Oseo 13:14

E kau totogi loa latou mei le makeke o le nofoaga o le kau mate, E kau saofaki loa latou mei le mate. Ei mate, kofea au masafu ? Nofoaga o le kau mate, kofea lau pule ki le mate ? Kae kua sola le fakasemala i oku mata !

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Oseo 8:12

E kau pakia i le tosi o fakatotonu fuli o laku lao kiate ia, E leaise tokaga fua a ia ki se nea e tasi.

Mateo 22:29

Na tali loa Sesu kia latou : E kotou nofo i le faisala, talie e leaise kotou matala fua ki le tosi ti mo le mafimafi o le Atua.

Maleko 10:27

Na tio loa Sesu kia latou, o pati : E leaise feala le nea a ia ki le tagata, kae e feala a ia ki le Atua : Talie e feala a nea fuli ki le Atua.

Maleko 12:23

I le toe tuuake, ko ai ia latou ka avaga loa mo le fafine ? Talie na avaga fuli le toka fitu mo ia.

Maleko 12:25

Talie i le toe tuuake o le kau mate, e leaise too loa e tagata ni fafine, pe ko fafine ni tagata, kae e lotou liliu loa ofaipe le kau aselo i le lagi.

Luka 1:37

Talie e leaise faigataa se nea ki le Atua.

Soane 20:9

Talie na leikiaise la matala foki ki le Tosi, leia e tonu ke toe tuuake Sesu mei le kau mate.

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Loma 15:4

Talie ko nea fuli ala na tosi fakatomua, na tosi ki lotatou akoi, o tupu ke tou maua ai le amanaki malie, i le kataki fualoa ti mo le fakapelepele leia e soli e le Tosi.

Efeso 1:19

ti e feaki le lasi lee gato o lona mafimafi kia tatou ala e tui, leia na fakasa e ia lona makeke katoa,

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.