Maleko 12:16 - Tosi Tapu

¹⁶ Na lotou avake loa se fa tenalio ; ti na vesili loa Sesu kia latou : Ko le paaki mo le fakamailoga o ai leia e tuu i ai ? Na lotou tali loa : o Sesale.

Maleko 12:16 ပူးပေါင်းရင်းမြစ်များ

Maleko 12:15

Na iloa loa e Sesu lolatou malualoi, ti na tali loa a ia kia latou : Kolea e kotou asiasii ai au ? Kotou aumai ake se fa tenalio, ke kau tio ki ai.

Maleko 12:17

Ti na pati loa a ia kia latou : Kotou liufaki kia Sesale le nea a Sesale, ti kotou liufaki ki le Atua le nea a le Atua. Ti na lotou ofolele ai kiate ia.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Apokalipisi 3:12

Ko leia e malo loa, e kau fakatuu loa a ia ko se fa pou lasi i le fale tapu o loku Atua, ti e leaise toe mavae loa a ia mei ai ; e kau tosi loa iate ia le igoa o loku Atua, ti mo le igoa o le kolo o loku Atua, o le Selusalemi foou leia e ifo mei le lagi mei tafa o loku Atua, ti mo loku igoa foou.