Maleko 11:25 - Tosi Tapu

²⁵ Ti ka kotou tuu i aluga o faikole, kae kotou nofo mo se nea ki se tasi, kotou fakamolemole, o tupu ke fakamolemole foki akoutou agasala e lokoutou Tamana leia e nofo i le lagi.

Maleko 11:25 ပူးပေါင်းရင်းမြစ်များ

Sakalia 3:1

Na fakatio loa e ia au kia Sosue, le tagata faisakilifisio lasi, leia na tuu i mua o le aselo o le Eteleno, ti mo Satana leia na tuu i lona fetuu atamai o fakalakasala a ia.

Mateo 5:23

Kapau e ke momoli lau moliga i le aletale, ti ke manatu ake i ai e nofo lou taina mo se nea kiate koe,

Mateo 6:12

fakamolemole mai ki amatou agasala, ofaipe lamatou fakamolemole foki kia latou ala e agasala mai kia matou ;

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Luka 18:13

Na tuu le popelikano mei mamao, ti na leaise mafai ke tagaki a ia ki aluga, kae na tukituki e ia lona fatafata, o pati : Ei Atua, alofa mai kiate au ko le tagata agasala.

Luka 6:37

Aua na kotou fakamaaui, ti e leaise fakamaaui loa koutou ; aua na kotou fakatuaa se tasi, ti e leaise fakatuaa loa koutou ; kotou fakamolemole, ti e fakamolemole atu loa kia koutou.

Efeso 4:32

Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Kolose 3:13

Ke kotou fekatakiaki i okoutou vasaa, ti kapau e mamae se tasi ki se tasi i se nea, ke kotou fefakamolemoleaki. Ke kotou fakamolemole foki ofaipe Kilisito leia na fakamolemole kia koutou.

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Apokalipisi 11:4

Ko laua ko ni oliveto e lua ti mo ni tekiaga malama e lua ala e tutuu i mua o le Aliki o le malama nei.