Maleko 11:24 - Tosi Tapu

²⁴ Koia e kau pati atu ai kia koutou : Ko nea fuli ala e kotou kole loa i le faikole, kotou tui kua kotou maua latou, ti e kotou tio loa ki lolatou fakasoko.

Maleko 11:24 ပူးပေါင်းရင်းမြစ်များ

Mateo 18:19

E kau toe pati atu foki kia koutou, kapau e loto tasi se toka lua ia koutou i le kele o kole se nea fua, e tuku loa a ia kia laua e loku Tamana leia e nofo i le atu lagi.

Mateo 21:22

Ko nea fuli ala e kotou kole loa i le tui i le faikole, e kotou maua loa a ia.

Maleko 11:25

Ti ka kotou tuu i aluga o faikole, kae kotou nofo mo se nea ki se tasi, kotou fakamolemole, o tupu ke fakamolemole foki akoutou agasala e lokoutou Tamana leia e nofo i le lagi.

Soane 14:13

ti ko nea fuli ala e kotou kole loa i loku suafa, e kau fai loa latou, o tupu ke fakakololia le Tamana i le Alo.

Soane 15:7

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Uluaki tosi ki le kau Kolinto 14:13

Koia ko leia e masau i se masau kese, ke kole e ia le nea alofa o le fakamatala.

Uluaki tosi a Soane 3:22

Ti ko se nea fua leia e tou kole, e tou maua a ia meiate ia, talie e tou fai ana fakatotonu, ti e tou fai le nea leia e malie kiate ia.