Maleko 11:18 - Tosi Tapu

¹⁸ Ko le kau pule faisakilifisio mo le kau sekelipa, i lalatou logo kiate ia, na afa ia loa ni puleaki ke tamate a ia ; talie na lotou i kiate ia, o tupu kua ofo le kakai katoa i lana akonaki.

Maleko 11:18 ပူးပေါင်းရင်းမြစ်များ

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Uluaki tosi o Sau 22:18

Na pati loa le sau o Iselaele kia Sosafate : Pe na leaise kau pati atu kiate koe ? E leaise fakasa fua e ia kiate au se nea leia e malie, kae e fakasa ata fai e ia le nea leia e veli.

Uluaki tosi o Sau 22:8

Na tali loa le sau o Iselaele kia Sosafate : Koi i ai se tagata leia e feala ke tou afa ki ai le finegalo o le Eteleno ; kae e kau vesia kiate ia, talie e leaise kikite e ia se nea leia e malie kiate au, e kikite ata e ia le nea e veli : Ko Mikea, vosa o Simila. Ti na tali loa Sosafate : Ke aua se masau felaaki le sau !

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Mateo 21:15

Kae na loto veli loa le kau pule faisakilifisio mo le kau sekelipa, i lalatou tio ki nea fakamanamana ala na fai e ia, ti mo toe liliki ala kua kalaga i le loto fale tapu : Osana ki le Vosa o Tavite !

Mateo 7:28

I le oki o lana masau, na ofolele ai le kakai i lana akonaki ;

Maleko 1:22

Na lotou ofolele i lana akonaki ; talie na akonaki a ia ofaipe se tasi leia e nofo mo se pule, kae na leaise akonaki a ia ofaipe le kau sekelipa.

Maleko 11:32

Ti kapau e tou tali : Mei tagata… Na lotou tuania ia le kakai, talie na taofi fuli latou ko se polofeta maoki a Soane.

Maleko 12:12

Na lotou afa ke too a ia, kae na lotou tuania ia le kakai. Na lotou matala loa na fakasa e Sesu le folafola fakatata lena kia latou. Ti na lotou mavae loa iate ia, o ano.

Maleko 3:6

Na ulu loa le kau faliseo ki fafo, i le lakaga fai lena, ti na lotou fono loa mo le kau Elote ke tamate Sesu.

Maleko 6:20

Kae na leaise mafai e ia o tupu ko Elote. Ti na i Elote kia Soane, talie na iloa e ia ko se tagata agamalie a ia mo maokioki ; ti na puipui e ia Soane. I lana logo kiate ia, na tua lasi le mamae o lona loto, kae na fia logo tuumau a ia kiate ia.

Luka 19:47

Na akonaki a ia i aso fuli i le fale tapu. Ti ko le kau pule faisakilifisio, mo le kau sekelipa, mo pule o le kakai, na afa ke tamate a ia ;

Luka 2:47

Ko latou fuli ala na fakalogo kiate ia, na punamauli ki lona atamai ti mo ana tali.

Luka 20:19

Na afa loa e le kau pule faisakilifisio ti mo le kau sekelipa ke too Sesu i le lakaga lena, kae na lotou i loa ki le kakai. Talie na lotou matala loa kua fai e Sesu le folafola fakatata lena kia latou.

Luka 4:22

Ti na fakamaoki le kakai fuli kiate ia ; na lotou punamauli i folafola malilie ala na mavae mei lona gutu, ti na lotou pati : Pe leaise ko le vosa a ia o Sosefo ?

Soane 7:1

Sili aia, na feanoaki Sesu i Kalilea, talie na leaise fia nofo a ia i Sutea, talie na afa a ia e le kau Sutea ke tamate.

Soane 7:19

Pe na leaise soli atu e Moisese le lao kia koutou ? Ti e leaise tasi o koutou e fai ia le lao ? Kolea e kotou afa ai ke tamate au ?

Soane 7:46

Na tali loa le kau tagata fakasausau : E leikiai se tagata kua masau i se aso ofaipe le tagata lena.

Gaoi 24:25

Kae i le masau a Paulo ki le faitotonu, mo le oli veli, ti mo le fakamaau fakamuli, na lulu loa Felise, o pati kiate ia : Ano, kua feauga le aso nei ; ka kau toe maua loa se tasi faigamalie, ti e kau toe kalagai atu loa a koe.