Maleko 11:17 - Tosi Tapu

¹⁷ Ti na akonaki a ia, o pati : Pe se tosi : E igoa loa loku fale ko se fale faikole ki puleaga fuli ? Kae ko koutou, kua kotou fakaliliu a ia ko se ana o tagata kaia.

Maleko 11:17 ပူးပေါင်းရင်းမြစ်များ

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Esaia 60:7

E tanaki mai loa kiate koe a kau manu fuli o Ketale ; E fakalogo loa kiate koe a kau ovi tagata o Nepasote ; E lotou pale loa ki loku aletale ti e kau tali loa latou ; Ti e kau fakakololia loa le fale o loku kololia.

Selemia 7:11

Pe fai loku fale tapu ki okoutou mata pe se ana o ni kau kaia, Le fale leia e fetapa ai ki loku suafa ? E kau tio totonu ki ai, e pati le Eteleno.

Oseo 12:7

Ti ko koe, toe liliu mai ki lou Atua ; Taupau le alofa ki le Atua mo le faitotonu, Ti fanaki tuumau ki lou Atua.

Maleko 11:16

Ti na leaise tuku e ia se tasi ke ano mo se kavega i le fale tapu.

Luka 19:46

o pati kia latou : E tuu i le Tosi : E liliu loa loku fale ko se fale faikole. Kae ko koutou, kua kotou fakaliliu a ia ko se ana o tagata kaia.

Soane 2:14

Na maua loa e ia i le fale tapu le kau fakatau pipi, mo ovi, mo lupe, ti mo le kau fetogi paaga kua nonofo i ai.

Soane 2:16

Ti na pati loa a ia ki le kau fakatau lupe : Ave kese a nea ana i leinei, aua na kotou fakaliliu le fale o loku Tamana ko se fale fakatau.