Maleko 11:14 - Tosi Tapu

¹⁴ Na pati loa a ia ki le fiki : Ke aua na kai fua se tasi ki lou fua ! Ti na logo loa ana tisipulo ki ai.

Maleko 11:14 ပူးပေါင်းရင်းမြစ်များ

Mateo 21:19

Ti na tio loa a ia ki se fiki i le ala, ti na fakafeofi loa a ia ki ai ; kae na maua loa e ia ni lau ata, ti na pati loa a ia ki le fiki : Ke aua na toe tupu loa se fua iate koe ! Ti na malo loa le fiki i le temi fai lena.

Mateo 21:33

Kotou fakalogo mai ki se tasi folafola fakatata. Na i ai se tagata, ko se pule kaiga, leia na to ia loa se vite. Na a takatakai loa e ia le vite, ti na kenu loa e ia se nea tatau vite, ti na fakatuu loa e ia se tule ; ti oki, ti na lue loa e ia lana vite ki ni tagata faivite, ti na mavae loa a ia i le fenua.

Mateo 21:44

Ko leia e vilo loa ki le fa fatu lena e fatifati loa i ai, ti ko leia e vilo loa ki ai le fa fatu lena e lailai loa.

Mateo 3:10

Kua tuu foki le toki i le aka o laakau : ko laakau fuli e leaise fua ki ni fua malilie e tuuti loa o ti ki le afi.

Mateo 7:19

Ko laakau fuli ala e leaise tupu i ai ni fua malilie e tuuti loa, o ti ki le afi.

Maleko 11:13

I lana tio mei mamao ki se fiki laulau, na ano loa a ia o tio pe maua i ai se nea ; ti e i lana fakafeofi ki ai, na maua loa e ia ni lau ata, talie e leaise ko le temi a ia o fiki.

Maleko 11:15

Na lotou kaku loa ki Selusalemi, ti na ulu loa Sesu ki le fale tapu. Na kapu loa e ia latou ala na fai fakatau mo totogi nea i le fale tapu ; na tekai loa e ia a laupapa a le kau fetogi paaga, ti mo ekeekeaga o le kau fakatau lupe ;

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Lua tosi a Petelo 2:20

Koia, kapau i le oki o lolatou mavae mei nea kelekele o le malama nei, o tupu kua lotou iloa le Aliki mo le Fakamauli ko Sesu-Kilisito, e lotou toe tuku loa a nea ana ke toe too ia latou, ti ke toe malo ia latou, e toe veli ake loa lolatou mauli fakamuli i le uluaki.

Apokalipisi 22:11

Ko leia e agaveli ke soko atu lana agaveli, ko leia e kelekele ke soko atu lana kelekele ; ti ko leia e agatonu ke soko atu lana agatonu, ti ko leia e maokioki ke soko atu lana maokioki.