Maleko 10:32 - Tosi Tapu

³² Na lotou fanoga i le ala ke pale ki Selusalemi, ti na ano Sesu i olotou mua. Na mamae le kau tisipulo, ti na lotou mulimuli iate ia mo se loto i. Ti na toe too loa e Sesu le tino agafulu tupu lua ki ona tafa, ti na kamata fakasa loa e ia kia latou le nea leia e tonu ke soko kiate ia :

Maleko 10:32 ပူးပေါင်းရင်းမြစ်များ

Sakalia 3:8

Koia fakalogo mai Sosue, tagata faisakilifisio lasi, a koe mo ou kaukau nea ala e tonatona i ou mua ! - talie ko ni tagata ala ka liliu loa ko ni fakamailoga. - Ko leinei, e kau fakasa loa laku tagata fakasausau, le Pulapula.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Maleko 1:27

Na lotou ofolele fuli i le nea lena, o pati : Kolea le nea leinei ? Ko se akonaki foou ! E masau a ia mo se pule ki laumalie veli foki, ti e lotou fakalogo kiate ia !

Maleko 4:34

Na leaise masau fua a ia kia latou o sala fakatata ; kae ka lotou tefua, na fakamatala e ia a nea fuli ki ana tisipulo.

Luka 10:23

Ti na mafuli loa a ia ki ana tisipulo, o pati kia latou tefua : Manuia a mata ala e tio ki nea ala e kotou tio ki ai !

Luka 19:28

I le oki o lana masau lena, na saele loa Sesu i mua o le kakai, o pale ki Selusalemi.

Luka 9:51

Kua ofi loa le temi leia na tonu ai ke too a ia i le malama nei, na fakatotonu loa e Sesu ke pale ki Selusalemi.

Soane 11:16

I le nea lena ko Tomasi, leia na igoa ko le Ata, na pati loa ki la ake tisipulo : Tou ano foki, o tupu ke tou mamate mo ia.

Soane 11:8

Na pati loa le kau tisipulo kiate ia : Pule, na leikiaise fualoa le afa e le kau Sutea ke tuki fatui a koe, ti e ke toe liliu ki Sutea !