Maleko 10:27 - Tosi Tapu

²⁷ Na tio loa Sesu kia latou, o pati : E leaise feala le nea a ia ki le tagata, kae e feala a ia ki le Atua : Talie e feala a nea fuli ki le Atua.

Maleko 10:27 ပူးပေါင်းရင်းမြစ်များ

Lua tosi o Sau 3:18

Kae ko se nea noa lena ki mata o le Eteleno. E tuku atu loa e ia Moape ki okoutou lima ;

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Sopo 42:2

E kau fakamaoki e ke mafai a nea fuli, Ti e leaise fakafesagai se nea ki au manatu.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Sakalia 8:6

Koia e folafola ai le Eteleno o kau tau, o pati : Kapau e mata fakapunamauli le nea lena ki le toega o le kakai lena i aso ana, pe mata fakapunamauli a ia kiate au ?

Mateo 19:26

Na tio loa Sesu kia latou, o pati : E leaise feala le nea lena ki tagata, kae e feala a nea fuli ki le Atua.

Maleko 10:26

Na toe ofolele lasi ake le kau tisipulo, o pati : Ti ko ai loa e feala ke saofaki ?

Luka 1:37

Talie e leaise faigataa se nea ki le Atua.

Luka 18:27

Na tali loa Sesu : Ko le nea leia e leaise mafai e tagata e faigaofie ki le Atua.

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.

Epelo 11:19

Na manatu a ia e mafimafi ai le Atua, o toe fakatuuake ia le kau mate ; koia i se fakatata na toe maua loa e ia lona vosa.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.