Maleko 10:24 - Tosi Tapu

²⁴ Na ofolele loa le kau tisipulo i le masau lena a Sesu. Ti na toe masau loa a ia, o pati kia latou : Ei oku fanau, e faigataa ai kia latou ala e fanaki ki koloa ke ulu ki le puleaga o le Atua !

Maleko 10:24 ပူးပေါင်းရင်းမြစ်များ

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Taagapati 11:28

E siga loa leia e fanaki ki ona koloa, Kae e sesega loa le kau agatonu ofaipe le lau o laakau.

Taagapati 18:11

Ko le koloa ko se kolo makeke ki le tagata mou koloa ; E pati a ia, ko se paa taualuga a ia.

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Apakuki 2:9

Malaia ki leia e tanaki ia ki lona fale ni totogi kaia, O tupu ke fakatuu lona ofaga i se ganea taualuga, Ke sao ai i le lima o le malaia !

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Mateo 19:25

I le logo a le kau tisipulo ki le nea lena, na lotou ofolele lasi ai, o pati : Ko ai loa e feala ke saofaki ?

Maleko 1:27

Na lotou ofolele fuli i le nea lena, o pati : Kolea le nea leinei ? Ko se akonaki foou ! E masau a ia mo se pule ki laumalie veli foki, ti e lotou fakalogo kiate ia !

Maleko 10:23

Na tagaki loa Sesu ki ona tafatafa, o pati ki ana tisipulo : E faigataa ai kia latou ala e mou koloa ke ulu ki le puleaga o le Atua !

Luka 16:14

Ko le kau faliseo, ala na fulupipiki ki le paaga, na fakalogo ki nea fuli ana, ti na lotou gologolo kia Sesu.

Soane 13:33

Ei aku fanau liliki, ko se ga temi ikiiki fai koi kau nofo ai mo koutou. E kotou afa loa au ; ti e faipe laku pati ki le kau Sutea : E leaise mafai ke kotou au ki le ganea leia e kau ano ki ai, e kau toe fakasa atu foki a ia kia koutou i le lakaga nei.

Soane 21:5

Na pati loa Sesu kia latou : Fanau, pe leaise kotou maua se nea ke kai ? Na lotou tali loa kiate ia : Leai.

Soane 6:60

I le logo ki ai a le toka api o lana kau tisipulo, na lotou pati loa : E faigataa ai le folafola leinei : Ko ai e feala ke logo ki ai ?

Kalate 4:19

Ei aku fanau, ala kua kau toe logoi ki ai a mamae o le fanauga, o kaku ki le katoa o Kilisito ia koutou,

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi a Soane 2:1

Ei aku fanau liliki, e kau tosi atu a nea anei, o tupu ke aua na kotou agasala. Ti kapau na agasala se tasi, e tou maua se avoka i tafa o le Tamana, ko Sesu-Kilisito ko le tagata agatonu.

Uluaki tosi a Soane 4:4

Ko koutou, fanau liliki, e kotou au mei le Atua, ti kua kotou malo i le kau polofeta loi, talie ko leia e nofo ia koutou e lasi ake i leia e nofo i le malama nei.

Uluaki tosi a Soane 5:21

Fanau liliki, kotou fakamamao mei taulaatua.

Apokalipisi 3:17

Talie e ke pati : E kau mou koloa, kua kau fakatupu o lasi oku koloa, ti e leaise aoga mai kiate au se nea, kae e leaise ke iloa e ke malaia, mo fakaaloalofa, mo mativa, mo kivi, ti mo telefua,