Maleko 10:14 - Tosi Tapu

¹⁴ I le tio a Sesu ki le nea lena, na mamae ai, ti na pati loa a ia kia latou : Kotou tuku ke au kiate au a toe liliki, kae aua na kotou taofi latou ; talie e fakalogo le puleaga o le Atua kia latou ala e tatau mo toe liliki.

Maleko 10:14 ပူးပေါင်းရင်းမြစ်များ

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Pesalemo 78:4

E leaise motou fufu loa a ia ki amatou fanau ; E motou fakasa loa ki le tautupu ka au a fakavikiviki o le Eteleno, Mo lona mafimafi, ti mo nea fakamanamana ala na fai e ia.

Esaia 65:23

E leaise lotou gaoi loa ki le noa, Ti e leaise lotou maua loa ni fanau ke tio ki lolatou mamate ; Talie e lotou liliu loa ko se lanu tapuakina e le Eteleno, Ti e nonofo loa alatou fanau mo latou.

Numelo 14:31

Ti ko akoutou fanau liliki, ala na kotou pati : E lotou liliu loa ko le nea kai a le fili malo ! e kau fakaulu loa latou ki ai, ti e lotou iloa loa le fenua leia kua kotou aga o tiaki.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 18:4

Koia, ko leia ka fakataulalo loa ofaipe le ga toe ikiiki leinei ko ia leia ka liliu loa o lasi oki i le puleaga o le atu lagi.

Mateo 19:14

Ti na pati loa Sesu : Tuku a toe liliki, aua na kotou taofi latou ke au kiate au ; talie e fakalogo le puleaga o le atu lagi kia latou ala e faipe ni toe liliki.

Mateo 5:10

Manuia latou ala e fakavelivelii o tupu ko le faitotonu, talie e fakalogo loa kia latou le Puleaga o le atu lagi !

Mateo 5:3

Manuia latou ala e mativa i le loto, talie e fakalogo kia latou le Puleaga o le atu lagi.

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Maleko 8:33

Kae na mafuli loa Sesu ki muli, o tio ki ana tisipulo, ti na valoki e ia Petelo, o pati : Ano ki muli, Satana ! Talie ko au manatu e leaise ko manatu a le Atua, kae ko manatu a tagata.

Soane 3:3

Na tali loa Sesu kiate ia : E maoki, e maoki, e kau pati atu kiate koe, kapau e leaise tupu foou se tagata, e leaise feala ke tio a ia ki le puleaga o le Atua.

Soane 3:5

Na tali loa Sesu : E maoki, e maoki, e kau pati atu kiate koe, kapau e leaise tupu se tagata i le vai mo le Laumalie Maokioki, e leaise feala ke ulu a ia ki le puleaga o le Atua.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Gaoi 3:25

Ko vosa koutou o le kau polofeta ti mo le fakapapau leia na fai e le Atua mo otatou tamana, i lana pati kia Apalaamo : E tapuakina loa a famili fuli o le malama nei i lou sakoga.

Loma 11:16

Talie kapau e maokioki a uluaki fua, e toe fenaaki foki mo le fua katoa ; ti kapau e maokioki le aka, e toe fenaaki foki mo laa.

Loma 11:28

O uiga mo le Evaselio, kua lotou fili o tupu ko koutou ; kae o uiga mo le filifili, e alofaia latou o tupu ko olatou tamana.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Uluaki tosi ki le kau Kolinto 7:14

Talie e fakatapui le tagata lee tui e lona avaga, ti e fakatapui le fafine lee tui e lona avaga ; talie kapau e leai, e liliu loa akoulua fanau o pagani, kae ko leinei, e lotou maokioki loa.

Efeso 4:26

Kapau e kotou ita, ke aua na kotou agasala ; ti ke aua na galo le laa i aluga o lokoutou ita,

Tetelonome 4:37

Kua alofa a ia ki ou tamana, ti na filifili e ia lolatou sakoga ; ti na fakamavae e ia totonu a koe mei Esipito ki lona makeke lasi ;

Lua tosi kia Timoteo 1:5

talie e kau taupau foki le tausi alofa malie o le tui maoki leia iate koe, leia na uluaki nofo i lou tupuna ko Loisa ti mo lou tinana ko Eunise, leia, e kau iloa papau, e toe nofo foki iate koe.

Lua tosi kia Timoteo 3:15

Talie talu mei lou ikiiki, na ke iloa le Tosi tapu, leia e mafai ke fakapotoi ia a koe ki le saofaki i le tui kia Sesu-Kilisito.

Sosue 8:35

Na lau e Sosue a folafola fuli a Moisese, o leaise puli fua se folafola e tasi, i mua o le fakatasiga katoa o Iselaele, mo fafine, mo toe ti mo matapule ala na saele i loto malie o Iselaele.

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Apokalipisi 14:5

Ti na leaise maua se kaka i olatou gutu, talie e lotou lee mele.

Uluaki tosi a Samuele 1:11

Na fai loa e ia se fakapapau, o pati : Eteleno o kau tau ! kapau e ke alofa loa o tagaki mai ki le mamae o lau fafine fakasausau, kapau e ke manatui loa au ti e leaise ke galoi loa lau fafine fakasausau, ti kapau e ke soli loa ki lau fafine fakasausau se vosa, e kau momoli loa a ia ki le Eteleno i lona mauli katoa, ti e leaise fakalaka loa le tele i lona ulu.

Uluaki tosi a Samuele 1:22

Kae na leaise pale loa a Ana, ti na pati loa a ia ki lona avaga : Ka puaki loa le toe, e kau ave loa a ia, talie ke momoli a ia ki le Eteleno, ti ke nofo a ia i ai o talu ai.