Maleko 10:11 - Tosi Tapu

¹¹ Ti na pati loa Sesu kia latou : Ko le tagata leia e kapu ia lona avaga kae toe avaga a ia mo se tasi ake fafine, e tono loa a ia ki le uluaki fafine ;

Maleko 10:11 ပူးပေါင်းရင်းမြစ်များ

Mateo 19:9

Kae e kau pati atu kia koutou : ko leia e kapu ia lona avaga, gato fai ki le tono mo se tasi ake tagata, ti toe avaga a ia mo se tasi ake fafine, e fai e ia se tono fafine.

Maleko 10:10

I lalatou nonofo i fale, na toe fakavesilii loa a ia e le kau tisipulo ki le nea lena.

Luka 16:18

Ko le tagata leia e kapu ia lona avaga kae toe avaga a ia mo se tasi ake fafine e tono a ia mo le fafine lena, ti ko le tagata leia e avaga mo se fafine leia na kapu e lona avaga e tono a ia mo le fafine lena.

Loma 7:3

Kapau loa, i le koi mauli o lona avaga, e liliu le fafine lena ko le avaga o se tasi ake tagata, e fakaigoa loa a ia ko le fafine tono ; kae kapau e mate le tagata, e lauatea loa le fafine mei le lao ; e leaise tono loa a ia i lana toe liliu ko le avaga o se tasi ake tagata.

Uluaki tosi ki le kau Kolinto 7:4

E leaise ko le fafine leia e pule ki lona tino, kae ko lona avaga. Ti e leaise ko le tagata foki leia e pule ki lona tino, kae ko le fafine.

Tetelonome 24:2

E mavae loa a ia i le kaiga o le tagata, o ano loa, ti e feala loa ke toe liliu a ia ko le avaga a se tasi ake tagata.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.