Maleko 1:35 - Tosi Tapu

³⁵ I le usu, koi fakapouli ai, na tuu ake loa a ia, o ano ki se ganea lavaki, leia na faikole ai loa a ia.

Maleko 1:35 ပူးပေါင်းရင်းမြစ်များ

Pesalemo 109:4

Loga ai e kau alofa kia latou, e lotou vesia mai kiate au, Kae ko au e kau ulufaki latou.

Pesalemo 5:3

Tokaga mai ki aku kalaga, ei loku sau mo loku Atua ! Ko koe leia e kau fai ki ai laku kole.

Mateo 14:13

I le logo lena, na mavae loa Sesu i le ganea lena i se vaka, ke ano ki se ganea lavaki ; kae na iloa loa e le kakai le nea lena, ti na lotou mavae loa mei kolo o mulimuli iate ia, o saele i le mata tai.

Mateo 14:23

I le oki o lana kakau le kakai, na pale loa a ia toka tasi ki le mauga, o faikole ; ti e i le malu o le afiafi, na nofo toka tasi loa a ia i ai.

Maleko 1:36

Ko Simone mo latou ala na nonofo mo ia, na ano loa o afa a ia.

Luka 5:16

Kae ko ia, na ano a ia mei ai ki ni potu lavaki, o faikole i ai.

Luka 6:12

I le temi a ia, na ano loa Sesu ki le mauga o faikole, ti na nofo loa a ia i le po katoa o faikole ki le Atua.

Soane 4:34

Na pati loa Sesu kia latou : Ko laku nea kai ko le fai o le finegalo o leia na kakau ia mai au, ti mo le fakasoko o lana gaoi.

Soane 6:15

I le iloa e Sesu, ka lotou au loa o too a ia ke fakasau, na toe ano loa a ia toka tasi ki le mauga.

Efeso 6:18

Kotou fai i temi fuli i le Laumalie a kole kesekese fuli ti mo ni tagi. Kotou tokaga ki le nea lena mo se kataki fualoa katoa, ti kotou ulufaki le kau sagato fuli.

Filipe 2:5

Kotou maua a manatu loto ala na maua e Sesu-Kilisito :

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.