Maleko 1:27 - Tosi Tapu

²⁷ Na lotou ofolele fuli i le nea lena, o pati : Kolea le nea leinei ? Ko se akonaki foou ! E masau a ia mo se pule ki laumalie veli foki, ti e lotou fakalogo kiate ia !

Maleko 1:27 ပူးပေါင်းရင်းမြစ်များ

Mateo 15:31

ti na ofolele le kakai i le tio kua masau a gutu mate, kua mauli a maimoa, kua saele a kito, kua tio a kivi ; ti na fakakololia loa le kakai ki le Atua o Iselaele.

Mateo 8:9

Talie, ko au leinei e maua ke fakalogo ki oku pule, e kau pule ki ni tagata solia ; ti e kau pati ki se tasi : Ano !, ti e ano a ia ; ki leia ake : Au !, ti e au a ia ; ti ki laku tagata fakasausau : Fai le nea lena !, ti e fai e ia a ia.

Mateo 9:33

I le oki o le kapu o le temonio, na masau loa le gutu mate. Ti na ofolele loa le kakai, o pati : E leikiaise sa se nea feneeki i Iselaele i se aso.

Maleko 1:26

Ti na mavae loa le laumalie veli i le tagata lena, i le oki o lana lu fakaveliveli a ia, ti mo lana tagi leo lasi.

Maleko 1:28

Ti na mafola loa lona logologona i le lakaga fai lena i potu fuli o Kalilea.

Maleko 10:24

Na ofolele loa le kau tisipulo i le masau lena a Sesu. Ti na toe masau loa a ia, o pati kia latou : Ei oku fanau, e faigataa ai kia latou ala e fanaki ki koloa ke ulu ki le puleaga o le Atua !

Maleko 10:32

Na lotou fanoga i le ala ke pale ki Selusalemi, ti na ano Sesu i olotou mua. Na mamae le kau tisipulo, ti na lotou mulimuli iate ia mo se loto i. Ti na toe too loa e Sesu le tino agafulu tupu lua ki ona tafa, ti na kamata fakasa loa e ia kia latou le nea leia e tonu ke soko kiate ia :

Maleko 16:5

Na lotou ulu loa ki le tanuma, o tio loa ki se tagata tupulaga e tonatona i le fetuu atamai, ti na kofu ki se kofu tea ; ti na lotou i lasi ai.

Maleko 16:6

Kae na pati loa a ia kia latou : Aua na kotou i ; e kotou afa Sesu mei Nasaleti, leia na tutuki ki le koluse ; kua toe tuuake a ia, ti e leaise koi nofo a ia i leinei ; kotou tio ki le ganea leia na tuku ai a ia.

Maleko 7:37

Na lotou ofolele lasi ai, o pati : E malilie a nea fuli e fai e ia ; e fakamavaa foki e ia a taliga o le kau tuli, ti e fakamasau e ia le kau gutu mate.

Luka 4:36

Na lotou i fuli loa, o lotou fepatiaki : Kolea le folafola leinei ? E lagiaki foki a ia i le pule mo le makeke ki laumalie veli, ti e lotou mavae !

Luka 9:1

Na fakatasi loa e Sesu le tino agafulu tupu lua, ti na soli loa e ia kia latou le makeke mo le pule ki temonio fuli, ti mo le makeke ke fakamauli ai a masaki.

Gaoi 17:19

Ti na lotou too loa a ia, o ave ki le Aleopasi, o pati : Pe mafai ke motou iloa le akonaki foou lena e ke masau ki ai ?