Maleko 1:24 - Tosi Tapu

²⁴ Kolea e ke loto kia matou, Sesu mei Nasaleti ? Pe na ke au o maumaui matou ? E kau iloa pe ko ai a koe : Ko le Sagato a koe o le Atua.

Maleko 1:24 ပူးပေါင်းရင်းမြစ်များ

Pesalemo 16:10

Talie e leaise ke tuku loa loku laumalie ki le nofoaga o le kau mate, Ti e leaise ke fakataga loa ke tio lou alofaaga ki le pala.

Ekesote 14:12

Pe na leaise ko le nea leinei na motou pati atu ki ai i Esipito : Tuku matou ke motou fakasausau ki le kau Esipito, talie e motou malie ia ake le fakasausau ki le kau Esipito i le mate i le toafa ?

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Mateo 2:23

ti na ano loa a ia o nofo i se kolo na igoa ko Nasaleti, talie ke fakasoko ai le nea leia na fakasa fakatomua e le kau polofeta : E fakaigoa loa a ia ko le Nasaleti.

Mateo 8:29

Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Maleko 1:23

Na nofo loa i lolatou sinakoka se tagata leia na maua ia se laumalie veli, ti na kalaga loa a ia :

Maleko 1:25

Na lolomi loa a ia e Sesu, o pati : Fakalologo, ti ke mavae i le tagata lena.

Maleko 10:47

Na logo loa a ia ko Sesu mei Nasaleti, ti na kamata kalaga loa a ia : Vosa o Tavite, Sesu, alofa mai kiate au !

Maleko 14:67

I lana tio ki le fakamafana a Petelo, na pati loa a ia kiate ia : Ko koe foki, na ke nofo mo Sesu mei Nasaleti.

Maleko 16:6

Kae na pati loa a ia kia latou : Aua na kotou i ; e kotou afa Sesu mei Nasaleti, leia na tutuki ki le koluse ; kua toe tuuake a ia, ti e leaise koi nofo a ia i leinei ; kotou tio ki le ganea leia na tuku ai a ia.

Maleko 5:7

ti mo tagi leo lasi : Kolea au kiate koe, Sesu, Alo o le Atua taualuga ? E kau kole fakamakeke atu kiate koe i le suafa o le Atua, aua na ke fakamamae au.

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Luka 24:19

Ti na la tali loa kiate ia : Le nea leia na soko kia Sesu mei Nasaleti, leia ko se polofeta makeke i gaoi mo masau i mua o le Atua ti mo mua o le kakai katoa,

Luka 4:34

Oi ! Kolea e ke loto kia matou, Sesu mei Nasaleti ? Na ke au ke maumaui matou ? E kau iloa pe ko ai a koe : Ko le Sagato o le Atua.

Luka 8:28

I lana tio kia Sesu, na kalaga loa a ia, ti na fakapulou loa a ia ki ona vae, o tagi leo lasi : Sesu, Alo o le Atua Taualuga, kolea iate au mo koe ? E kau kole atu kiate koe ke aua na ke fakamamae au.

Luka 8:37

Ti na kole loa e le kakai katoa o le fenua o le kau Katala kia Sesu ke fakamamao a ia meia latou, talie na lasi ai lolatou i. Ti na sopo loa Sesu ki le vaka, o toe liliu.

Soane 6:69

Ti kua motou tui, ti kua motou iloa ko le Kilisito a koe, ko le Sagato o le Atua.

Gaoi 2:27

Talie e leaise ke tuku loa loku laumalie i le nofoaga o le kau mate, Ti e leaise ke fakataga loa ke pala le tino o lou Sagato.

Gaoi 24:5

Na motou maua le tagata leinei, leia ko se taumasaki veli, leia e fakatupu ia ni maveuveu i le kau Sutea katoa o le malama nei, leia ko le pule o le magai lotu o le kau Nasaleti,

Gaoi 3:14

Kae ko koutou, na kotou fakafiti ki le Maokioki mo le Agatonu, ti na kotou kole ke fakamauli atu kia koutou se tagata tukipo.

Gaoi 4:27

Talie e maoki na fakatasi Elote, mo Posio Pilato i le kolo leinei, mo atu puleaga, ti mo kakai o Iselaele, o agatuu ki lau tagata fakasausau maokioki ko Sesu, leia na ke fakanofo,

Sakopo 2:19

E ke tui e i ai se Atua fuai e tasi, e ke fai malie ; e tui foki le kau temonio ki ai, ti e lotou lulu.

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :