Maleko 1:22 - Tosi Tapu

²² Na lotou ofolele i lana akonaki ; talie na akonaki a ia ofaipe se tasi leia e nofo mo se pule, kae na leaise akonaki a ia ofaipe le kau sekelipa.

Maleko 1:22 ပူးပေါင်းရင်းမြစ်များ

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Mateo 13:54

Na ano loa a ia ki lona fenua, ti na akonaki loa a ia i le sinakoka, ti ko latou ala na fakalogo kiate ia na ofolele ai, o pati : Pe maua e ia meifea le poto lena ti mo milakulo ana ?

Maleko 1:23

Na nofo loa i lolatou sinakoka se tagata leia na maua ia se laumalie veli, ti na kalaga loa a ia :

Luka 2:47

Ko latou fuli ala na fakalogo kiate ia, na punamauli ki lona atamai ti mo ana tali.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Luka 4:32

Na lotou punamauli ai i lana akonaki, talie na masau a ia i se makeke.

Soane 7:46

Na tali loa le kau tagata fakasausau : E leikiai se tagata kua masau i se aso ofaipe le tagata lena.

Gaoi 6:10

Kae na leaise lotou ma tatali ia le poto mo le Laumalie leia na masau ai a ia.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.