Malakia 4:2 - Tosi Tapu

² Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Malakia 4:2 ပူးပေါင်းရင်းမြစ်များ

Lua tosi a Samuele 23:4

E tatau a ia mo le malama o le usu, mo ka sopo ake le laa, Ti e leaise aoaoa le lagi i le pogipogi usu ; E fakasosomo ake e lona malama le vao mei le kele, i le oki o le ua.

Pesalemo 103:3

Ko ia leia e fakamolemole ia au agaveli fuli, Leia e fakamauli ia ou masaki fuli ;

Pesalemo 147:3

E fakamauli e ia latou ala e loto fatifati, E sai e ia olatou lavea.

Pesalemo 61:5

E kau fia nofo tuumau i lou falela o lee gato, O fakamalumalu i le malu o ou kapakau. - Manava.

Pesalemo 67:1

Ki le pule o le kau sua. Mo nea faimusika va. Pesalemo. Katiko.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Pesalemo 85:9

E kau fakalogo loa ki le nea leia e pati loa ki ai le Atua, le Eteleno ; Talie e masau a ia ki le tokamalie ki lona kakai mo lana kau agatonu, O tupu ke aua na lotou toe vilo ki valea.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 35:6

I le aso lena e soposopo loa le kito ofaipe se tia, Ti e sua fakafiafia loa le alelo o le gutu mate. Talie e mapuna loa ni vai i le toafa, Ti mo ni vaitafe i le ganea lavaki ;

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Esaia 53:5

Kae na lavea a ia o tupu ko atatou agasala, Fatii o tupu ko atatou agaveli ; Ko le tautea leia e soli ia kia tatou le tokamalie na vilo kiate ia, Ti ko ona kafo ala e tou mauli ai.

Esaia 9:2

Kua ke fakaliliu le kakai o toka api, Kua ke tuku kiate ia se fiafia lasi ; Kua fiafia a ia i ou mua, ofaipe le fiafia i le tuuti o le fulumeto, Ofaipe le kalaga fakafiafia i le vae o koloa o le tau.

Selemia 17:14

Eteleno, fakamauli au i loku masaki, ti e kau mauli loa ; Fakamauli au, ti e kau mauli loa ; Talie ko koe ko loku kololia.

Selemia 30:17

Kae e kau fakamauli loa a koe, e kau sai loa ou lavea, E pati le Eteleno. Talie e lotou fakaigoa a koe le tiakina, Le Sione leia e leaise koi tokaga se tasi ki ai.

Selemia 33:6

Ko leinei, e kau soli loa kiate ia le mauli mo le malolo, ti e kau faitoo loa latou, Ti e kau fakamavaa loa kia latou se matapuna lasi o le tokamalie mo le agatonu.

Esekiele 47:12

I laugutu o le vaitafe e sosomo ai loa a laakau fua kesekese. Ti e leaise toe gini loa olatou lau ti e leaise toe gato loa lalatou fua. E leleu loa a fua o laakau i masina fuli, talie e fakavai loa latou e le vai leia e ifo i le fale tapu. Ti e kai loa a fua o laakau, kae faitoo loa ki olatou lau.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Malakia 3:16

Ti na masau loa latou ala e i ki le Eteleno ia latou ; Na tokaga loa le Eteleno, ti na fakalogo loa a ia. Ti na tosi loa se tosi fakamanatu i ona mua Kia latou ala e i ki le Eteleno Ti e fakaapaapa ki lona suafa.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Luka 1:50

Ti e mafola lona manavaalofa i le tautupu ki le tautupu Kia latou ala e i kiate ia.

Luka 1:78

O tupu ko le manavaalofa mo le agamalie o lotatou Atua, Leia na mu ai le laa kia tatou mei aluga,

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:4

Na iate ia le mauli, ti ko le mauli ko le malama a ia o tagata.

Soane 1:8

Na leaise ko ia leia ko le malama, kae na sa loa a ia ke fakamaoki ki le malama.

Soane 12:40

Kua fakakivi e ia olatou mata ; Ti kua fakafefeka e ia olatou loto, Ke aua na lotou tio ki olatou mata, Ke aua na lotou matala i olatou loto, Ti ke aua na lotou tafoki, ti ke aua na kau fakamauli latou.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Soane 9:4

E tonu ke kau fai koi ao a gaoi a leia na kakau ia mai au ; e au le pouli, leia e leaise mafai ke gaoi ai se tasi.

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Gaoi 13:47

Talie ko le fakatotonu a ia leia na tuku mai e le Aliki kia maua : Na kau fakanofo a koe ke liliu ko le malama o puleaga, Ke ave ia le fakamauli o kaku ki potupotu o le malama nei.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Lua tosi ki le kau Tesalonika 1:3

E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.

Lua tosi a Petelo 1:19

Ti e motou fakamaoki ki le folafola kikite, leia e tonu ke kotou tokaga lasi ki ai, ofaipe se malama leia e mu i se ganea fakapouli, o kaku ki le mafoa mai o le ao, ti ke sopo le fetuu ao i okoutou loto.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Uluaki tosi a Soane 2:8

Kae ko se fakatotonu foou foki leia e kau tosi atu kia koutou, ti e maoki a ia iate Ia ti mo koutou foki : talie na puli atu le fakapouli, ti na sa foki le malama maoki.

Apokalipisi 11:18

Na iita a atu puleaga ; kae kua au lou sausau, ti kua soko mai le temi ke fakamaaui ai le kau mate, ti ke fakapale ai au tagata fakasausau ko le kau polofeta, mo le kau sagato, mo latou fuli ala na i ki lou suafa, liliki mo lalasi, ti ke maumaui ai latou ala na maumaui ia le kele.

Apokalipisi 2:28

Ti e kau soli loa kiate ia le fetuu ao.

Apokalipisi 22:16

Ko au Sesu, kua kau kakau mai laku aselo ke fakasa atu kia koutou a nea anei i atu Ekelesia. Ko au ko le afusa mo le sakoga o Tavite, ko le fetuu ao gigila.

Apokalipisi 22:2

ti na tafe i loto malie o le ala lasi o le kolo. I ona kauvai e lua na tuu ai le laakau o le mauli, leia na fua tua kau agafulu tupu lua i le fetuu, o tua tasi i le masina ; ti na fakaaoga ona lau ki le fakamauli o atu puleaga.

Lute 2:12

Ke totogi e le Eteleno au gaoi kiate koe, ti ke soli atu se totogi lasi kiate koe e le Eteleno, le Atua o Iselaele, leia kua ke au o mumuni i lalo o ona kapakau !