Malakia 4:1 - Tosi Tapu

¹ Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Malakia 4:1 ပူးပေါင်းရင်းမြစ်များ

Sopo 18:16

E malo loa ona aka i lalo o le kele, O kaku ki ona laa i aluga.

Pesalemo 119:119

E ke ave le kau agasala fuli o le malama nei ofaipe se piau ; Koia e kau alofa ai ki au pelesepeto.

Pesalemo 37:9

Talie e motusi loa le kau agaveli ; Kae ko latou ala e amanaki malie ki le Eteleno e maua ia loa le fenua.

Ekesote 15:7

Ki le lasi o lou mafimafi, e ke laku ki le kele latou ala e agatuu kiate koe ; E ke liligi lou sausau : E tutu e ia latou ofaipe se mutie malo.

Esaia 40:24

Na leaise to fua latou ki le kele, pe na muluki fua latou, Na leikiaise lotou maua foki ni olatou aka i le kele : Kae kua agi le matagi kia latou, ti kua lotou malo ai, Ti kua ave latou e se sasataki ofaipe ni penu.

Esaia 41:2

Ko ai na lagai ake ia i le potu esite Leia na kalagai e le fakamauli ke muli iate ia ? Ko ai na tuku ia kiate ia a atu puleaga ti na fakapopula ia ni sau ? Ko ai na fakaliliu ia alatou seleta o efu, Ti mo alatou gasau ko se penu malo leia e agina i le matagi ?

Esaia 47:14

Ko leinei, e lotou faipe le kaui fulumeto leia e susunu e le afi. E leaise lotou fakamauli loa olatou mauli mei ula : E leaise ko se malala loa a ia ke fakamafana ai, E leaise ko le afi loa a ia ke tonatona i ona tafa.

Esaia 5:24

Koia e lotou fai loa pe se kalosii afi leia e susunu ia le lau malo, Pe se ula leia e kai ia o okioki le mutie malo, E popo loa olatou aka, Ti e pupuli loa olatou se ofaipe le efu ; O tupu na lotou tiaki le lao a le Eteleno o kau tau, Ti na lotou vesia ki le folafola a le Maokioki o Iselaele.

Esaia 9:18

Io, e tutu loa e le sausau o le Eteleno o kau tau le fenua, Ti e fai loa le kakai pe se nea kai a le afi ; E leaise saofaki loa e se tasi lona taina.

Esaia 9:19

E kaia i le fetuu atamai, kae e pakupaku aifai ; E kaia i le fetuu sema, kae e leaise makona aifai ; E tasi kai e le tagata le kakano o lona lima.

Esekiele 20:38

E kau vaei kese loa i a koutou le kau agatuu mo latou e agasala kiate au ; ti e kau too loa latou i le fenua leia e lotou matapule ai, kae e leaise lotou ano loa ki le fenua o Iselaele. Ti e kotou iloa loa ko au ko le Eteleno.

Esekiele 21:32

E kau fakaliliu loa Selusalemi ko se kolo maumau, ko se kolo maumau, ko se kolo maumau ! Kae koi soko loa le nea lena i le au o leia e maua ia le fakamaau, ti e kau tuku loa a ia kiate ia.

Esekiele 24:11

Ti teki le kulo lavaki ki aluga o malala kaka, o tupu ke vevela a ia, ti ke kula lona ukamea ; ti e puli loa le fakalialia leia i loto, ti e maumaui loa le kelemea.

Esekiele 34:17

Ti ko koutou ko aku ovi, e folafola le Aliki, le Eteleno, o pati : Ko leinei, e kau fakamaaui loa a ovi o le kau manu, a ovi tagata mo koti tagata.

Esekiele 7:10

Ko leinei le aso ! e au a ia ! Kua soko mai lou lakaga ! Kua se le laa ! Kua matala le fia nealasi !

Soele 2:1

Kotou pupusi le fakatagi pupusi i Sione ! Kotou fakagugulu le fakatagi pupusi i loku mauga tapu ! Ke lulu kakai fuli o le fenua ! Talie kua au le aso o le Eteleno, talie kua ofi mai a ia,

Soele 2:31

E fetogi loa le laa o fakapouli, Ti mo le masina o toto, I mua o le soko mai o le aso o le Eteleno, O le aso lasi lena mo fakaii.

Amosi 2:9

Kae na kau maumaui i olatou mua le kau Amole, Ala na taualuga ofaipe ni sete, Ti na makeke ofaipe ni sene ; Na kau maumaui olatou fua i aluga, Ti mo olatou aka i lalo.

Apetiasi 1:18

E liliu loa le fale o Sakopo ko se afi, Ti ko le fale o Sosefo ko se ulai afi ; Kae e liliu loa le fale o Esau ko se tuuga penu, Leia e lotou tutu loa o okioki, Ti e leaise toe loa se nea i le fale o Esau, Talie kua masau le Eteleno.

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Sofoni 1:14

Kua ofi le aso lasi o le Eteleno, Kua ofi mai a ia, ti e au fakatavili a ia. E fakasa e le aso o le Eteleno lona leo, Ti e fai e le tagata toa ni tagi mamae.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Sakalia 14:1

Ko leinei, kua au le aso o le Eteleno, Ti e vae loa ou koloa i loto malie o ou.

Malakia 3:15

I le temi nei e motou pati : e manuia ake latou ala e fia taualuga ; Io, e mou koloa ake latou ala e agaveli. Io, e lotou asiasii le Atua, ti e lotou saosaoa !

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Malakia 3:2

Ko ai e mafai loa ke tuu i le aso o lana saele mai ? Ko ai e tuu loa i aluga mo ka sa mai loa a ia ? Talie e fai loa a ia pe le afi a le tagata saka ukamea, Pe le topa a le tagata faifo.

Malakia 3:3

E tonatona loa a ia ki lalo, e saka loa e ia, ti e fakamea loa e ia le siliva ; E fakamea loa e ia a vosa o Levi, E fakamea loa e ia latou ofaipe le fakamea o le aulo mo le siliva, Ti e lotou fai loa ki le Eteleno ni moliga i le faitotonu.

Malakia 4:5

Ko leinei, e kau kakau loa kia koutou Elia, le polofeta, I mua o le soko mai o le aso o le Eteleno, Le aso lasi mo fakaii lena.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Luka 19:43

E soko mai loa kiate koe ni aso ala e takatakai ai loa a koe e ou fili ki ni popoko, o taui a koe, ti mo tapotapono a koe i potu fuli ;

Luka 21:20

Ka kotou tio loa kua takatakai Selusalemi e ni kau tau, ti kotou iloa kua vave fua lona maumaui.

Luka 6:23

Kotou fiafia i le aso lena ti kotou soposopo i le fiafia, talie e lasi loa lokoutou fakapale i le lagi ; talie na fai fenaaki e le kau polofeta ki olatou tamana.

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.