Malakia 3:7 - Tosi Tapu

⁷ Talu mei le temi o okoutou tamana, na kotou mavae i aku fakatotonu, Na leaise kotou tausi latou. Kotou toe liliu mai kiate au, ti e kau toe liliu mai loa kia koutou, E pati le Eteleno o kau tau. Kae kotou pati : Kolea le nea leia e tonu ke motou toe liliu mai ai ?

Malakia 3:7 ပူးပေါင်းရင်းမြစ်များ

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Esaia 65:2

Na kau falo oku lima i aso fuli ki se kakai agatuu, Leia e saele i se ala veli, o mulimuli ata ki ana manatu ;

Selemia 16:11

Ti ke tali loa kia latou : Na tiaki au e okoutou tamana, e pati le Eteleno, Na lotou mulimuli i ni atua kese, Na lotou tausi kia latou ti na lotou punou i olatou mua. Na lotou tiaki au, ti na leaise lotou tausi laku lao.

Selemia 16:12

Ti ko koutou, na kotou fai le veli o lasi ake i okoutou tamana ; Ti ko leinei, e tasi mulimuli le tagata ki oli o lona loto veli, Ke aua na fakalogo mai kiate au.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 7:25

Talu mei le aso leia na mavae ai okoutou tamana i le fenua o Esipito, O kaku mai ki le aso leinei, Na kau kakau atu kia koutou aku tagata fakasausau fuli, le kau polofeta, Na kau kakau atu latou kia koutou i aso fuli, mei le usu.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Esekiele 2:3

Na pati mai loa a ia kiate au : Vosa o le tagata, e kau kakau a koe ki fanau o Iselaele, ki kakai fakatutuu ana, ala na agatuu kiate au ; kua lotou agasala kiate au, latou mo olatou tamana, o kaku mai ki le aso leinei e tou nofo ai.

Esekiele 20:13

Kae na agatuu loa le fale o Iselaele kiate au i le toafa. Ti na leaise lotou mulimuli loa ki aku lao, ti na lotou tiaki loa aku fakatotonu, ala e tonu ke fai e le tagata o tupu ke mauli ai, ti na lotou maumaui fakaveliveli loa aku sapato. Koia na kau maua ai loa le manatu ke liligi kia latou loku sausau i le toafa, o tupu ke fakapuli ai latou.

Esekiele 20:21

Kae na agatuu loa a vosa kiate au. Ti na leaise lotou mulimuli loa ki aku pelesepeto, ti na leaise lotou tausi mo fai loa aku fakatotonu, ala na tonu ke fai e le tagata ke mauli ai, ti na lotou maumaui loa aku sapato. Na kau maua loa le manatu ke liligi loku sausau kia latou, ke fakavilo loku sausau katoa kia latou i le toafa.

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Esekiele 20:8

Ti na lotou agatuu kiate au, ti na leaise lotou fia fakalogo kiate au. Na leaise tiaki e se tasi fua a nea fakalialia ala na pipiki ki ai ona mata, ti na leaise lotou tiaki fua a taulaatua o Esipito. Na kau maua loa le manatu ke liligi loku sausau kia latou, ke fakavilo kia latou loku sausau katoa, i loto malie o le fenua ko Esipito.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Sakalia 1:3

Koia fakasa ai kia latou : E folafola le Eteleno o kau tau, o pati : Kotou toe liliu mai kiate au ; ti e kau toe liliu mai loa kia koutou, e folafola le Eteleno o kau tau.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Malakia 3:13

E fia nealasi akoutou masau kiate au, e pati le Eteleno, Ti e kotou pati : Kolea na motou lau kiate koe ?

Mateo 23:27

Malaia kia koutou, kau sekelipa mo kau faliseo malualoi ! Talie e kotou faipe ni tanuma tetea, ala e sa mai i tafa e fulumalie, kae i loto, e kotou apele ko ivi mate ti mo kelekele fuli.

Luka 15:16

Na oli loa a ia ke fakamakona a ia ki fuai kalupe ala na kai e le kau puaka ; kae na leaise soli ake e se tasi se nea kiate ia.

Loma 10:21

Kae na pati a ia ki Iselaele : Na kau folasi oku lima i le aso katoa ki se kakai patigataa Ti mo taugutu.

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;

Loma 7:9

Kiate au, i le temi leia na kau nofo ai i mua sala lao, na kau mauli ; kae i le temi leia na au ai le fakatotonu, na toe mauli le agasala, ti ko au, na kau mate.

Tetelonome 31:20

Talie e kau fakaulu loa le kakai leinei ki le fenua leia na kau fakapapau ki olatou tamana ke soli kia latou, le fenua leia e sali ai le sua manu mo le meli. E kai loa le kakai leinei, ti e makona loa a ia, ti e peti loa a ia ; ti e maliu loa a ia ki ni atua kese o atolasio kia latou, kae e vesia loa a ia kiate au, ti e maumaui loa e ia laku sai.

Sakopo 4:8

Kotou fakafeofi ki le Atua, ti e fakafeofi atu loa a ia kia koutou. Kotou fakamea okoutou lima, kau agasala, ti kotou fakamea okoutou loto, kau lotolotolua.