Malakia 3:16 - Tosi Tapu

¹⁶ Ti na masau loa latou ala e i ki le Eteleno ia latou ; Na tokaga loa le Eteleno, ti na fakalogo loa a ia. Ti na tosi loa se tosi fakamanatu i ona mua Kia latou ala e i ki le Eteleno Ti e fakaapaapa ki lona suafa.

Malakia 3:16 ပူးပေါင်းရင်းမြစ်များ

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Lua tosi a Samuele 7:1

Na soko loa i le kua nofo a Tavite i lona fale fakasau, ti kua soli e le Eteleno kiate ia le malolo, i le oki o lana saofaki a ia mei ona fili ala na takatakai ia lona puleaga ;

Uluaki tosi o Sau 18:12

Ti e soko loa, ka kau mavae loa meiate koe, e ave loa a koe e le Laumalie o le Eteleno ki se ganea leia e leaise kau iloa ; ti e kau ano loa o fakasa le nea lena kia Akapo, leia e leaise maua ia loa a koe, ti e tamate loa e ia au. Kae e i lau tagata fakasausau ki le Eteleno talu mei lona ikiiki.

Uluaki tosi o Sau 18:3

Ti na pati loa Akapo kia Apetiasi, pule o lona fale. Kae na i lasi ai Apetiasi ki le Eteleno ;

Lua tosi o Koloniko 6:7

Na maua e Tavite, loku tamana, se manatu ke fakatuu se fale ki le suafa o le Eteleno, le Atua o Iselaele.

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Esitele 2:23

Ti na fai loa se afa ki le nea lena, ti na iloa loa lona maoki : Na tautau loa le sa enuke ki se laakau. Ti na tosi loa le nea lena ki le tosi isitolia i mua o le sau.

Esitele 6:1

I le po lena, na leaise feala ke moe le sau, ti na pati loa a ia ke aumai le tosi fakamatala o nea fakapuleaga, le tosi o Koloniko. Na lau loa latou i mua o le sau,

Sopo 28:28

Ti oki, na pati loa a ia ki le tagata : Ko leinei, ko le i ki le Eteleno ko le poto ; Ko le fakamamao mei le veli ko le atamai.

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Pesalemo 104:33

E kau sua loa le Eteleno i loku mauli katoa, E kau fakafetai loa ki loku Atua i loku mauli katoa.

Pesalemo 111:10

Ko le i ki le Eteleno ko le kamataaga o le poto : Ko latou fuli ala e tausi ia a ia e maua ia se fakakaukau malie. E tuu lona kololia o lee gato.

Pesalemo 115:13

E tapuaki loa a ia kia latou ala e i ki le Eteleno, Liliki mo lalasi ;

Pesalemo 119:63

Ko le kaukaunea au o latou fuli ala e i kiate koe, Ti mo latou ala e tausi ia au fakatotonu.

Pesalemo 139:4

Talie e leikiaise kaku le masau ki loku alelo, Kae kua ke iloa katoa a ia, ei Eteleno !

Pesalemo 147:11

E alofa le Eteleno kia latou ala e i kiate ia, Latou ala e amanaki malie ki lona agamalie.

Pesalemo 16:3

Kae ko le kau sagato leia e nonofo i le fenua Mo le kau agatonu, ko le tauaga latou o loku alofa katoa.

Pesalemo 20:7

Ko leinei, e kau iloa e saofaki loa e le Eteleno lona filifilia ; E tali loa e ia lana kole mei lagi, mei lona nofoaga maokioki, Ki le tokoi makeke o lona lima atamai.

Pesalemo 33:18

Ko leinei, e tio a mata o le Eteleno kia latou ala e i kiate ia, Kia latou ala e amanaki malie ki lona agamalie,

Pesalemo 34:15

Ke ke fakamamao i le veli, ti ke ke fai le nea leia e malie. Ke ke afa le tokamalie, ti ke ke tuli a ia.

Pesalemo 56:8

I le lasi o lalatou agaveli, e lotou manatu e lotou sao loa : I lou sausau, ei Atua, ke ke laku latou ki le kele !

Pesalemo 56:9

E ke lau a laka o loku mauli taka sola ; Ke ke tanaki oku loimata i lau utele : Pe leaise tosi latou i lau tosi ?

Pesalemo 66:16

Kotou au, kotou fakalogo, koutou fuli ala e i ki le Atua, ti e kau fakamatala loa Le nea leia na fai e ia ki loku laumalie.

Pesalemo 94:19

Ka lasi a tuania iate au, Ko au fakapelepele e soli ia le fiafia ki loku laumalie.

Ekesote 32:32

Fakamolemole i le aso nei lalatou agasala ! Ti kapau e leai, soloi au i lau tosi leia kua ke tosi.

Taagapati 13:20

Ko leia e nofo tuumau mo le kau poto e liliu loa o poto, Kae ko leia e fiafia i le nofo mo le kau vale e liliu loa o veli.

Esaia 26:3

Ki leia e tuu makeke i ana manatu loto E ke tuku maoki le tokamalie, io, le tokamalie, Talie e fanaki a ia kiate koe.

Esaia 26:8

Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 4:3

Ti e igoa loa ko maokioki Latou ala na toe i Sione, Ti mo latou ala na toe i Selusalemi, Io, a tagata fuli i Selusalemi e tosi loa i le kau mauuli,

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Esaia 65:6

Ko leinei le nea leia na kau fakapapau i loku loto : E mamao iate au le fakalologo, e kau fakaamo loa kia koutou le tua, Io, e kau fakaamo loa kia latou le tua,

Selemia 31:18

E kau logo ki le tagi laulau a Efalaimi : Na ke tautea au, ti na tautea au Ofaipe se uviki pipi leia na leaise ako ke lalata ; Fai ke kau toe liliu, ti e kau toe liliu loa, Talie ko koe ko le Eteleno, loku Atua.

Selemia 8:6

E kau tokaga, ti e kau fakalogo : E leaise lotou masau ki le nea leia e tonu ke lotou masau ki ai ; E leaise fakasemala se tasi ki lana agaveli, O pati : Kolea na kau fai ia ? E lotou toe makape fuli, Ofaipe se osi leia e makape ki le tau.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Taniela 12:1

I le temi aia, e tuu ake loa Misaele, ko le pule lasi, ko le taupau o fanau o lou kakai ; ti e soko loa se temi mamae lasi ai, leia e leikiaise sona tatau talu mei le tuu o atu puleaga o kaku mai ki le temi nei. I le temi aia, ko latou ala o lou kakai e maua loa na tosi i le tosi e fakamauli loa.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Luka 2:38

I lana kaku totonu mai i le ola lena, na fakafetai a ia ki le Atua, ti na masau a ia kia Sesu kia latou fuli ala na talitali ki le saofaki o Selusalemi.

Gaoi 1:13

I lalatou kaku ki Selusalemi, na lotou pale loa ki le kogafale i le fata leia na lotou nonofo masani ai ; ko Petelo, mo Soane, mo Sakopo, mo Atelea, mo Filipo, mo Toma, mo Patolomeo, mo Mateo, mo Sakopo vosa o Alefeo, mo Simone ko le Selote, ti mo Suta, vosa o Saakopo.

Gaoi 10:2

Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Gaoi 2:1

I le aso lasi o le Penikosite, na lotou fakatasi fuli i se ganea e tasi.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Efeso 5:19

Kotou fefakalotomakekeaki ki ni pesalemo, mo ni imi, ti mo ni katiko fakalaumalie, o kotou sua mo fakavikiviki ki le Aliki i lokoutou loto katoa.

Uluaki tosi ki le kau Tesalonika 5:11

Koia, kotou fefakapelepeleaki ia koutou ti kotou fefaufauaki ia koutou, o fai foki pe le nea leia e kotou fai maoki.

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Epelo 10:24

Ke tou fetokagaaki ia tatou ke ekenaki tatou ki le alofa ti mo gaoi malilie.

Epelo 12:15

Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Epelo 3:13

Kae kotou feakonakiaki ia koutou i aso taki tasi, i le temi katoa koi mafai ai ke pati : I le aso nei ! talie ke aua na fakafefeka se tasi o koutou e le kaka o le agasala.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.