Malakia 3:13 - Tosi Tapu

¹³ E fia nealasi akoutou masau kiate au, e pati le Eteleno, Ti e kotou pati : Kolea na motou lau kiate koe ?

Malakia 3:13 ပူးပေါင်းရင်းမြစ်များ

Sopo 15:13

Pe leaise ke iloa ko le Atua leia e ke lolotoga ita ki ai ? Ti ko ia leia e ke fai ki ai a masau ana !

Sopo 40:8

O fufu fakatasi fuli latou i le kele, Ti mo tapono olatou lae i le fakapouli !

Pesalemo 10:11

E pati a ia i lona loto : E loto galogalo le Atua ! E tapono e ia ona mata, e leaise tio a ia i se aso !

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Esaia 3:8

Talie kua malaia Selusalemi, Ti kua siga mo Suta, O tupu e agatuu ala masau mo ala gaoi ki le Eteleno, Ti e lotou matatuu ki lona agai.

Esaia 37:23

Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Esaia 46:12

Kotou fakalogo mai kiate au, kakai loto fefeka, Ala ko fili o le maoki !

Esaia 5:19

Ti e pati : ke fakatavili a ia, ke fakatavili lana gaoi O tupu ke motou tio ki ai ! Ke kaku mai la le fakamaau a le Sagato o Iselaele, ti ke fakasoko a ia Talie ke motou tio ki ai !

Selemia 44:18

Kae talu loa mei le aso leia na motou fakagato ai le tutu o le iseso ki le fafine aliki o le lagi ti mo fai ni moliga nea inu, kua leaise motou toe maua loa se nea, ti kua motou mamate i le seleta mo le oge…

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Esekiele 18:25

E kotou pati : E leaise sako le ala o le Aliki. Koia ke kotou fakalogo mai, fale o Iselaele ! Pe ko loku ala leia e leaise sako ? Pe leaise ko okoutou ala ala e leaise sako ?

Esekiele 35:13

Na kotou malaga kiate au i akoutou masau, Na kotou liuliuga akoutou masau veli kiate au : Na kau logo.

Oseo 7:16

E leaise ko le Taualuga leia e lotou tafoki ki ai ; E lotou pikopiko ofaipe se gasau kaka. E mamate loa olatou pule i le seleta, O tupu ko le matasoka o lolatou alelo. Ko le nea lena e katai ai loa latou i Esipito.

Malakia 2:14

Ti e kotou pati : Kolea lona tupuaga ?… Se tupu na ke fakapapau i mua o le Eteleno ke ke agatonu ki le fafine leia na avaga mo koe i lou temi tupulaga. Ko lou soa a ia, leia na ke filifili totonu, Kae ko leinei kua ke tiaki a ia.

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Malakia 3:12

E pati loa a puleaga fuli kia koutou, manuia, Talie e kotou liliu loa ko se fenua o nea malilie, E pati le Eteleno o kau tau.

Malakia 3:14

Na kotou pati : E leaise aoga o le tausi ki le Atua ; Kolea na tou maua i le tausi o ana pelesepeto, Ti mo le saele i le mamae, O tupu ko le Eteleno o kau tau ?

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Loma 9:20

Ei tagata, ko ai a koe, ke ke fakavisi ki le Atua ? Pe pati loa le ipu kele ki leia na fau ia a ia : Kolea na ke fau ai au ke kau feneeki ?

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.