Malakia 3:11 - Tosi Tapu

¹¹ Kia koutou e kau valoki loa leia e kai, Ti e leaise maumaui loa e ia a fua o le kele, Ti e leaise paa loa le vite i okoutou ulu fenua, E pati le Eteleno o kau tau.

Malakia 3:11 ပူးပေါင်းရင်းမြစ်များ

Selemia 8:13

E kau loto ke fakapuli latou fuli, e pati le Eteleno ; E leaise toe maua loa se fa vite i le vite, Pe ko se fa fiki i le fiki, Ti e gini loa a lau ; Ti e sola loa ia latou le nea leia na kau soli kia latou.

Oseo 2:21

E kau liliu loa ko lou avaga o lee gato ; io, e kau liliu loa ko lou avaga i le faitotonu, mo le maoki, ti mo le kalasia, ti mo le manava alofa ;

Soele 1:12

Kua luma le vite, Kua gini le fiki, Ko le kelenati, mo le palemie, mo le pome, Kua gae a laakau fuli o faisaga… Kua puli le fiafia i vosa o le tagata !

Soele 1:4

Ko le nea leia na tuku e le lauka, na kai a ia e le seseivaka ; Ko le nea leia na tuku e le seseivaka, na kai a ia e le seleki ; Ko le nea leia na tuku e le seleki, na kai a ia e le asile.

Soele 1:7

Kua maumaui e ia laku vite ; Kua fatifatii e ia laku fiki, Kua talai e ia ona laa, ti kua sele e ia a ia ki lalo. Kua tetea a taulu o le vite.

Soele 2:20

E kau fakamamao loa ia koutou le fili o le noleto, E kau kapu loa a ia ki se kele malo mo toafa, E kau ti loa lona atu mua ki le tai mate, Mo lona atu muli ki le tai metitelanea. Ti e mafola loa lona pala, E malaga ake loa lona namuku i le aele, O tupu na fai e ia ni nea veveli lalasi.

Soele 2:22

Manu o le vao, aua na kotou i, Talie e toe sesega loa a toafa, Ti e toe fua loa a laakau, Ti e toe soli loa e le fiki mo le vite ola koloa.

Soele 2:25

E kau fetogi atu loa kia koutou a fetuu Ala na kai e le seseivaka, Mo le lauka, mo le asile, mo le kasame, Laku solia lasi leia na kau kakau atu kia koutou.

Amosi 4:9

Na kau tautea koutou ki le mamate mo le masunu ; Na kai e seseivaka Okoutou oloto mauke, mo okoutou vite, mo okoutou fiki, mo okoutou oliveto. Kae logo ai le nea lena, na leaise kotou toe liliu mai kiate au, e pati le Eteleno.

Apakuki 3:17

Talie e leaise se loa le fiki, E leaise tuku loa e le vite se nea, E puli loa le fua o le oliveto, E leaise tuku loa e faisaga se nea kai ; E pupuli loa a ovi i fagaiaga mutie, Ti e leaise toe maua loa ni pipi i fale manu.

Akeseo 1:11

Na kau kakau mai le taulaa ki le fenua, mo mauga, Mo le fulumeto, mo le vino, mo le lolo, Mo nea fuli ala e feala ke maua mei le kele, Mo tagata mo manu, Ti mo gaoiaga fuli o lima.

Akeseo 2:17

Na kau tautea koutou ki le kelemea, Mo le manua, ti mo le ua fatu aisi ; Na kau maumaui a gaoiaga fuli o okoutou lima. Kae logo ai a nea ana, na leaise kotou toe liliu mai kiate au, e pati le Eteleno.

Sakalia 8:12

Talie e mauli loa a pulapula ala na to, ti e fua loa le vite, ti e soli loa e le kele ona fua, ti e tuku loa e le lagi lona sasau ; e kau fakafiafia loa le loto o le toega o loku kakai ki nea fuli ana.

Tetelonome 11:14

ti e kau tuku loa ki lokoutou fenua le ua i lona temi, i le temi mafana mo le temi mokomoko, o tupu ke kotou maua ni fuata malilie o le fulumeto, mo le vino foou, mo le lolo.