Malakia 3:10 - Tosi Tapu

¹⁰ Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Malakia 3:10 ပူးပေါင်းရင်းမြစ်များ

Senesi 28:22

Ko le fatu leinei kua kau fakatuu ti kua kau fakatapui, e liliu loa ko le fale o le Atua ; ti e kau soli loa kiate ia le vaega kau agafulu o nea fuli ala e soli mai loa e ia kiate au.

Senesi 7:11

I le fetuu kau lelau ono o le mauli o Noe, i le lua masina, i le aso kau agafulu tupu fitu o le masina, i le aso lena na mapusi loa a matapuna fuli o le moana lasi ki aluga, ti na mavaa loa a matapa o le lagi.

Lua tosi o Sau 7:19

Ti na tali loa le ofisa ki le tagata a le Atua : Pe fai foki e le Eteleno ni katupa i le lagi ke laku mai ai ni fulumeto, pe soko loa se nea felaaki ? Ti na pati loa Eliseo : E ke tio mata loa ki ai, kae e leaise ke kai loa ki ai.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Uluaki tosi o Koloniko 26:20

Ko Akisa, ko se tasi o le kau Levi, na tokaga ki koloa o le fale o le Atua, ti mo nea taputapu.

Neemia 12:44

I le aso lena, na fakanofo loa ni tagata ke leoleo ia a kogafale ala na tanaki ai a koloa o moliga, mo uluaki fua, mo vaega kau agafulu, ti na tuku loa kia latou ke lotou tanaki ki ai a vaega ala na fakatotonu e le lao ke soli ki le kau tagata faisakilifisio mo le kau Levi, mei kolo o le fenua. Talie na fiafia a Suta i le nofo a le kau tagata faisakilifisio mo le kau Levi i olatou tuulaga,

Neemia 12:47

I le temi o Solopapele mo Neemia, na soli e Iselaele katoa a vaega o le kau sua mo le kau tuu matapa, i aso taki tasi ; ti na soli ki le kau Levi a nea taputapu, ti na soli e le kau Levi ki vosa o Alone a nea taputapu.

Neemia 13:5

na soli ia kia Topisa se kogafale lasi, leia na tanaki ai a moliga i mua, mo le iseso, mo ipu, mo le vaega kau agafulu o le fulumeto, mo le vino, mo le lolo, io, le nea leia na fakatotonu ke soli ki le kau Levi, mo le kau sua, ti mo le kau tuu matapa, ti mo le nea leia na vaei ki le kau tagata faisakilifisio.

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Pesalemo 78:23

Na fakatotonu loa e ia ki ao i aluga, Ti na fakamavaa loa e ia a matapa o le lagi ;

Ekelesiasi 11:3

Ka apele a ao i le ua, e lotou liligi le ua ki le kele ; ti kapau e siga se laakau, ki le potu saute pe ki le potu noleto, e nofo a ia i le ganea leia na siga ai.

Esekiele 34:26

E kau fakaliliu loa latou mo potu ala e takatakai ia loku mauga taputapu ko se tapuakina ; ti e kau fakato loa le ua i lona temi totonu, ti ko se ua loa a ia o le tapuakina.

Esekiele 44:30

E maua loa e le kau faisakilifisio a uluaki fua o laakau fuli, mo moliga fuli e kotou fai mai loa kiate au ; ti e kotou soli loa ki le kau faisakilifisio a uluaki vaega o lakoutou falina kua lusi, o tupu ke ifo le tapuakina ki okoutou fale.

Oseo 2:21

E kau liliu loa ko lou avaga o lee gato ; io, e kau liliu loa ko lou avaga i le faitotonu, mo le maoki, ti mo le kalasia, ti mo le manava alofa ;

Soele 2:19

E tali le Eteleno, ti e pati a ia ki lona kakai : Ko leinei, e kau soli atu loa kia koutou se fulumeto, Mo se vino, mo se lolo, Ti e kotou makona loa ; Ti e leaise kau toe tuku loa koutou ki le luma i lotolotoga o atu puleaga.

Soele 2:24

E apele loa a sasaaga fulumeto i le fulumeto, Ti e apele loa a tane vino i le vino mo le lolo.

Levitiko 26:10

E kotou kai loa a taukai afea ti e kotou too loa latou o tupu ke maua ni ganea ala ke tanaki ai a taukai foou.

Levitiko 26:3

Kapau e kotou mulimuli loa ki aku lao, ti kapau e kotou tausi loa aku folafola ti mo fai loa latou,

Levitiko 27:30

E maua e le Eteleno a vaega kau agafulu fuli o magiti o le kele ti mo fua o laakau ; ko se nea a ia kua fakatapui ki le Eteleno.

Akeseo 2:19

Pe na koi i ai se pulapula i okoutou fata ? Tatau foki mo le vite, mo le fiki, mo le kelenati, ti mo le oliveto, Na leaise tuku ia se nea fua e tasi. Kae i le aso nei e kau liligi loa laku tapuakina.

Numelo 18:21

E kau soli ki vosa o Levi ofaipe se tofiga a vaega kau agafulu fuli i Iselaele, ki le tausi leia e lotou fai, le tausi o le falela tapu.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Tetelonome 12:6

Ko lena loa le ganea leia e tonu ke kotou momoli ai loa akoutou failaulau, mo akoutou sakilifisio, mo akoutou vaega kau agafulu, mo akoutou moliga alofa, mo akoutou moliga ki ni fakapapau, mo manu uluaki o akoutou kau manu lalasi mo akoutou kau manu liliki.

Tetelonome 14:22

I fetuu fuli e ke too loa le vaega kau agafulu o le nea leia e fakatupu loa e lau pulapula, mo le fua o lau faisaga.

Tetelonome 14:29

Ti e au loa le Levi, leia e leaise maua ia se vaega mo se tofiga mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i ou matapa, ti e lotou kai loa ti e lotou makokona loa, o tupu ke tapuaki loa kiate koe le Eteleno, lou Atua, i gaoi fuli ala e fai loa e ou lima.

Tetelonome 28:12

E fakamavaa loa e le Eteleno lona koloa malie, le lagi, ke to kiate koe le ua i lona temi, ti ke manuia le gaoi katoa o ou lima : E ke soli maua loa ki ni puleaga mauke kae e leaise ke too maua loa.