Malakia 2:8 - Tosi Tapu

⁸ Kae ko koutou, kua kotou mavae i le ala, Kua kotou fakaliliu le lao ko se nea fakatupu siga ki se toka api, Ti kua kotou maumaui le sai mo Levi, E pati le Eteleno o kau tau.

Malakia 2:8 ပူးပေါင်းရင်းမြစ်များ

Lua tosi o Sau 16:11

Ti na fakatuu loa e le tagata faisakilifisio ko Uli se aletale o tatau oki mo le paaki leia na fakamomoli ake e le sau ko Akase mei Tamaso, ti na fai loa a ia e le tagata faisakilifisio ko Uli i mua o le toe liliu ake a le sau ko Akase mei Tamaso.

Neemia 13:29

Ei loku Atua, ke ke manatui latou, talie na lotou fakakelekele le gaoi fakapelepitelo, mo le sai leia na fai e le kau tagata faisakilifisio mo le kau Levi.

Pesalemo 119:102

E leaise kau mamao i au lao, Talie ko koe leia e ako ia au.

Pesalemo 18:21

Na totogi e le Eteleno kiate au o mulimuli ki loku agatonu, Ti na liufaki e ia kiate au o mulimuli ki le mea o oku lima ;

Taagapati 12:8

E vikiviki ki le tagata o tupu ko lona atamai, Kae e vesiainai leia e loto veli.

Esaia 30:11

Kotou maliu kese i le ala, Kotou tiaki le ala totonu, Kotou fakamamao i omatou mua le Sagato o Iselaele !

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Esaia 9:16

Koia e leaise mafai ke fiafia le Aliki ki ona tagata tupulaga, Pe alofa ki ona fanau sala matua mo ona fafine lokonui ; Talie ko latou fuli ko ni kau malualoi mo ni kau agaveveli, Ti e masau olatou gutu fuli ki nea fakalialia. Kae logo ai a nea fuli ana, e leaise malu lona itaita, Kae koi mafao aifai lona lima.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 17:5

Koia e folafola ai le Eteleno, o pati : Malaia le tagata leia e fanaki ki le tagata, Leia e too ia le kanofi ko lona tokotoko, Ti e fakamaliu ia lona loto i le Eteleno !

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Esekiele 22:26

Kua maumaui e ona tagata faisakilifisio laku lao, ti kua lotou fakakelekele ia oku sagatualio, ti e leaise lotou iloa le kesekese o le nea taputapu mo le nea fakamalama, ti e leaise lotou fakasa ke iloa le kesekese o le nea kelekele mo le nea mea, ti kua lotou fakamaliu olatou mata i aku sapato, ti kua fakalialiai au i loto malie o latou.

Esekiele 44:10

Ti ko le kau levita, ala na fakamamao iate au, i le temi leia na sese ai Iselaele iate au, o mulimuli i ona taulaatua, e amo ia loa le veli o lalatou agaveli.

Esekiele 44:12

O tupu na lotou tausi ki le kakai i mua o taulaatua, ti na lotou fakavilo le fale o Iselaele ki le agasala, e pati le Aliki, le Eteleno : E kau siki loa loku lima kia latou, ke lotou amo le veli o lalatou agaveli.

Esekiele 44:7

Talie kua kotou fakaulu ki loto o loku sagatualio ni kau matapule lee silikosisio i le loto ti lee silikosisio i le kanofi, ke kelekele ai loku fale ; ti kua kotou momoli laku pane, le gako mo le toto, ki akoutou nea fakalialia fuli, ti kua kotou motusi laku sai.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Levitiko 21:15

O tupu ke aua na fakaulu loa e ia se sakoga kese ki lona famili. Ko au ko le Eteleno leia e fakamaokioki ia a ia ke tausi kiate au.

Sofoni 3:4

E matasosoka mo kaka ona polofeta ; E maumaui e ana tagata faisakilifisio a nea tapu mo le lao.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Malakia 2:5

Ko laku sai mo ia ko se sai o le mauli mo le tokamalie, Ko lena le nea leia na kau tuku kiate ia o tupu ke i ai kiate au ; Ti na maua e ia se i kiate au, Na lulu a ia i mua o loku suafa.

Numelo 25:12

Koia ke ke pati ai loa kiate ia : E kau soli kiate ia loku sai o le tokamalie.

Numelo 25:13

Ko le sai lena kiate ia mo lona sakoga, leia e lotou liliu ai ko ni tagata faisakilifisio o lee gato, talie na fakasa e ia lona alofa ki lona Atua ti na fai e ia le fakamalie ki fanau a Iselaele.

Loma 14:21

E malie ke aua na kai ki se inati, ke aua na inu ki se vino, ti ke tiaki le nea leia e fakatupu siga ki lou taina, pe fakatupu tukia, pe fakatupu gaegae.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Uluaki tosi a Samuele 2:17

Na fai e tagata ana se agasala lasi i mua o le Eteleno, talie na la fakanoai a moliga a le Eteleno.

Uluaki tosi a Samuele 2:24

Leai, ei oku fanau, e leaise malie le nea leia e kau logo ki ai ; e kolua fakaagasala ia le kakai a le Eteleno.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.