Malakia 2:6 - Tosi Tapu

⁶ Na nofo le lao o le maoki i lona loto, Ti na leaise maua le agaveli i ona laugutu ; Na saele a ia mo au i le tokamalie mo le maoki, Ti na fakamaliu e ia mei le veli ni tagata toka api.

Malakia 2:6 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 6:9

Ko leinei le sakoga o Noe. Ko Noe ko se tagata agatonu mo maokioki a ia i lona tautupu. Na saele a Noe mo le Atua.

Pesalemo 119:142

Ko lau faitotonu ko se faitotonu lee gato, Ti ko lau lao ko le maoki.

Pesalemo 119:151

Ei Eteleno, e ke ofi mai kiate au ! Ti e maoki au folafola fuli.

Pesalemo 37:30

E fakasa e le gutu o le tagata agatonu le poto, Ti e masau lona alelo i le maoki.

Pesalemo 37:37

Ke ke tio ki le tagata leia e saosaoa, Ti ke ke tokaga ki le tagata leia e agatonu ; Talie e i ai se sakoga ki le tagata o le tokamalie.

Taagapati 5:2

O tupu ke ke maua le fakakaukau, Ti ke taupau e ou laugutu le iloa.

Selemia 23:22

Ka na lotou kau ki laku fono, Na lotou fakasa loa aku folafola ki loku kakai, Ke fakatafoki mai latou mei olatou ala veveli, mei lalatou agaveli.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Maleko 12:14

Ti na lotou au loa, o pati kia Sesu : Pule, e motou iloa e ke maoki, ti e leaise ke tuania ia fua se tasi ; talie e leaise ke tio ki le tagata, ti e ke akonaki ki le ala o le Atua o mulimuli ki le maoki. Pe taga pe leai ke soli le tukusau kia Sesale ? Pe tonu ke motou soli a ia pe leaise tonu ke motou soli a ia ?

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Luka 20:21

Na fai loa e latou ana le vesili leinei kiate ia : Pule, e motou iloa e ke masau mo akonaki i le maoki, ti e leaise ke tio ki le nea leia e sa i tafa, kae e ke fakasa le ala o le Atua i le maoki katoa.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Tetelonome 33:10

E lotou ako au akonaki kia Sakopo, Mo lau lao ki Iselaele ; E lotou tuku le iseso ki ou pogoisu, Mo le failaulau ki lou aletale.

Tetelonome 33:8

Kia Levi, na pati a ia : Na tuku a Tumini mo Ulimi ki le tagata maokioki, Leia na ke asiasii i Masa, Ti na ke fakamaaui i vai o Melipa.

Tetelonome 33:9

Na pati a Levi ki lona tamana mo lona tinana : Na leaise kau tio kia laua ! E leaise fakamailoga kese e ia ona fetaina totonu, E leaise iloa e ia ana fanau totonu. Talie e lotou fai au folafola, Ti e lotou taupau lau sai.

Apokalipisi 14:5

Ti na leaise maua se kaka i olatou gutu, talie e lotou lee mele.

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.