Malakia 2:17 - Tosi Tapu

¹⁷ E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Malakia 2:17 ပူးပေါင်းရင်းမြစ်များ

Sopo 34:17

Pe mafai ke pule se tasi leia e vesia ki le faitotonu ? Pe ke fakalakasala loa le fa toka tasi leia e faitotonu mo mafimafi,

Sopo 34:36

Koia ke soko atu lona asiasii, Talie e tali a ia ofaipe le tali a le kau agaveli !

Sopo 36:17

Kae kapau e ke fia puipui a koe ofaipe le tagata agaveli, Ti e leaise mavae loa le tautea iate koe.

Sopo 9:24

Ka vilo se fenua ki lima o se tagata tukipo, E tapono e le Atua a mata o le kau tui fakamaau. Ti kapau e leaise ko ia, ti ko ai loa ?

Ekelesiasi 8:11

Talie e leaise soko fakatavili se tautea ki leia e fai ia le veli, koia e apele ai a loto o vosa o tagata i le oli ke fai ia le veli.

Esaia 1:14

Kua vesia loku laumalie ki okoutou masina foou mo okoutou aso lalasi ; Kua lotou liliu ko se kavega mamafa kiate au ; Kua kau kaekae i lolatou katakii.

Esaia 29:15

Malaia kia latou ala e fufu ia alatou fakatuutuu, Ke aua na tio ki ai le Eteleno, Malaia kia latou ala e fai ia alatou gaoi i le fakapouli, O pati : Ko ai e tio mai kia tatou ti ko ai e iloa ia tatou ?

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 43:22

Kae na leaise ke fetapa mai kiate au, ei Sakopo ! Talie na ke kaekae iate au, ei Iselaele !

Esaia 43:24

Na leaise ke totogi paaga ni nea fakamanogi kiate au, Ti na leaise ke fagai au ke makona ki le gako o au sakilifisio ; Kae na ke fakamamae au ki au agasala, Na ke fakapakia au ki au agaveli.

Esaia 7:13

Ti na pati loa Esaia : Kotou fakalogo mai, fale o Tavite ! Pe ko se nea noa kia koutou ke kotou fakafiu le kataki o tagata, Ke kotou toe fakafiu ia foki le kataki o loku Atua ?

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 17:15

Ko leinei, e lotou pati mai kiate au : Kofea le folafola a le Eteleno ? Ke soko la a ia !

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Esekiele 16:43

O tupu na leaise ke manatui lou temi ikiiki, o tupu na ke fakatupu ia loku ita ki nea fuli ana, ko leinei, e kau fakavilo loa lau faiaga ki lou ulu, e pati le Aliki, le Eteleno, ti e leaise ke toe fai loa le agaveli mo au nea fakalialia fuli.

Esekiele 18:25

E kotou pati : E leaise sako le ala o le Aliki. Koia ke kotou fakalogo mai, fale o Iselaele ! Pe ko loku ala leia e leaise sako ? Pe leaise ko okoutou ala ala e leaise sako ?

Esekiele 8:12

Na pati mai loa a ia kiate au : Vosa o le tagata, pe kua ke tio ki le nea leia e fai fakafufu e le kau matua o le fale o Iselaele, e le tagata taki toka tasi i lona kogafale leia kua apele i taulaatua ? Talie e lotou pati : e leaise tio mai le Eteleno kia tatou, ti kua tiaki e le Eteleno le fenua.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.

Amosi 2:13

Ko leinei, e kau takatakafi loa koutou, Ofaipe le taomi o le kele e se saliote kua apele i fui fulumeto.

Sofoni 1:12

I le aso lena, e kau ina loa Selusalemi ki ni malama, Ti e kau tautea loa a tagata ala e malolo fakafimalie ofaipe le takele o le vino i le fa poe, Ti e pati i olatou loto : E leaise fai e le Eteleno se malie pe ko se veli.

Malakia 2:14

Ti e kotou pati : Kolea lona tupuaga ?… Se tupu na ke fakapapau i mua o le Eteleno ke ke agatonu ki le fafine leia na avaga mo koe i lou temi tupulaga. Ko lou soa a ia, leia na ke filifili totonu, Kae ko leinei kua ke tiaki a ia.

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.