Malakia 2:16 - Tosi Tapu

¹⁶ Talie e kau vesia ki le kapu o le avaga, E pati le Eteleno, le Atua o Iselaele, Ti mo leia e uufi ia le agamakeke ki lona kofu, E pati le Eteleno o kau tau : Kotou tokaga ki okoutou laumalie, Ti ke aua na kotou agatuu !

Malakia 2:16 ပူးပေါင်းရင်းမြစ်များ

Pesalemo 73:6

Koia kua lotou kasoa ai ki le fia nealasi, Ti kua lotou kofu ai ki le agamakeke ;

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Taagapati 5:20

Ei loku vosa, kolea e ke oli ai loa ki se fafine matapule, Ti e ke sogi ai loa ki le u o se fafine e leaise ke iloa ?

Esaia 28:20

Talie e fai loa pe le pati a le taagapati : E toetoe le palepale ke moe ai, Ti e lau ikiiki le kie kafu ke kafu ai.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 59:6

Ko nea ala na lotou lalaga e leaise aoga ke fai ai se kofu, Ti e leaise mafai ke lotou lava ki alatou gaoiaga ; Ko alatou gaoi ko ni gaoi o le agasala, Ti e maua i olatou lima ni gaoi o le agamakeke.

Luka 16:18

Ko le tagata leia e kapu ia lona avaga kae toe avaga a ia mo se tasi ake fafine e tono a ia mo le fafine lena, ti ko le tagata leia e avaga mo se fafine leia na kapu e lona avaga e tono a ia mo le fafine lena.

Uluaki tosi ki le kau Kolinto 7:10

Kia latou ala kua avaga, e kau fakatotonu, e leaise ko au, kae ko le Aliki, ke aua na mavae le fafine i lona avaga,