Malakia 2:15 - Tosi Tapu

¹⁵ Na leaise fai le nea lena e se tasi, mo ka na i ai sona ga poto. Ko le toka tasi na fai ia a ia, ti kolea lona tupuaga ? Talie na afa e ia le sakoga leia na fakapapau e le Atua kiate ia. Koia kotou tokaga ai kia koutou totonu, Ti ke aua na agatuu se tasi ki le avaga o lona temi tupulaga !

Malakia 2:15 ပူးပေါင်းရင်းမြစ်များ

Senesi 1:27

Na fakatupu loa e le Atua le tagata o fakatatau kiate ia ; na fakatupu e ia le tagata o fakatatau ki le paaki o le Atua, na fakatupu e ia le tagata mo le fafine.

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Senesi 24:44

Inu, ti e kau toe asu ia loa ke inu au kamelo ; ke liliu le taine lena ko le avaga leia na fakatuutuu e le Eteleno ki le vosa o loku aliki !

Senesi 27:46

Na pati loa Lepeka kia Isaake : Kua kau fakalialia ki le mauli o tupu ko oku fugao, a taineliki o Eti. Kapau e toe avaga loa Sakopo mo se taine o Eti, ofaipe laua anei, kolea loa le uiga o le mauli kiate au ?

Senesi 6:2

ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga.

Esetalasi 9:4

Na fakatasi mai loa ki oku tafa latou fuli ala na i ki folafola a le Atua o Iselaele, o tupu ko le patigataa o vosa o le popula ; ti ko au, na kau tonatona loa i le mamae o kaku ki le temi o le moliga o le afiafi.

Neemia 13:24

Ti na masau fakavaelua olatou fanau ki le masau o Asetoti, kae na leaise lotou poto i le masau fakaepeleo ; na lotou poto fai i masau a fenua matapule.

Sopo 27:3

I le temi katoa koi kau tukumanava ai, Ti koi maua ai le matagi a le Atua i loku isu,

Ekesote 20:14

Aua na ke tono.

Taagapati 2:17

Leia e tiaki ia lona uluaki alofaaga, Ti e galoi ia le sai a lona Atua ;

Taagapati 4:23

Taupau lou loto o lasi ake i nea fuli ake ala, Talie e au mei ai a matapuna o le mauli.

Taagapati 6:25

Aua na ke manumanu i lou loto ki lona fulumalie, Ti aua na ke tuku ke sese lou loto i ona laumata.

Taagapati 7:25

Ke aua na tuku ke ano lou loto i ala o se fafine fenaaki, Aua na ke sese i ona ala.

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Selemia 2:21

Na kau to a koe ofaipe se vite malie, Leia na to ki se pulapula malie tukupau. Kolea na ke fetogi ai, Na ke liliu ai o veli ofaipe se vite matapule ?

Levitiko 20:10

Kapau e fai loa e se tagata se tono mo se fafine avaga, kapau e fai loa e ia se tono mo le avaga o lona oloi, e tautea loa ki le mate le tagata mo le fafine ala na tono.

Malakia 2:14

Ti e kotou pati : Kolea lona tupuaga ?… Se tupu na ke fakapapau i mua o le Eteleno ke ke agatonu ki le fafine leia na avaga mo koe i lou temi tupulaga. Ko lou soa a ia, leia na ke filifili totonu, Kae ko leinei kua ke tiaki a ia.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Soane 20:22

I le oki o folafola ana, na pupusi loa a ia kia latou, o pati kia latou : Kotou tali le Laumalie Maokioki.

Gaoi 3:25

Ko vosa koutou o le kau polofeta ti mo le fakapapau leia na fai e le Atua mo otatou tamana, i lana pati kia Apalaamo : E tapuakina loa a famili fuli o le malama nei i lou sakoga.

Uluaki tosi ki le kau Kolinto 7:14

Talie e fakatapui le tagata lee tui e lona avaga, ti e fakatapui le fafine lee tui e lona avaga ; talie kapau e leai, e liliu loa akoulua fanau o pagani, kae ko leinei, e lotou maokioki loa.

Uluaki tosi ki le kau Kolinto 7:2

Kae, o tupu ko le fai feauaki, ke tasi maua e le tagata sona avaga, ti ke tasi maua e le fafine sona avaga.

Lua tosi ki le kau Kolinto 6:18

E kau fai loa kia koutou pe se Tamana, Ti e kotou fai loa kiate au pe ni vosa mo ni taineliki, Efolafola le Aliki mafimafi.

Efeso 6:4

Ti ko koutou, tamana, aua na kotou fakatupu itaita ki akoutou fanau, kae ke kotou taupau latou, o fakatonutonu latou ti mo ako latou ke popoto i le Aliki.

Tetelonome 7:4

talie e lotou fakamaliu ia loa ou vosa meiate au, o lotou tausi loa ki ni atua kese, ti e mu loa le sausau o le Eteleno kia koutou : Ti e maumaui loa e ia koutou fakafokifa.

Tito 1:6

mo kapau e maua i ai se tagata leia e lee sala, ko le avaga o se fafine e tasi, e tui ana fanau, ti e leaise valoki latou i le mauli fakalialia pe ko le patigataa.

Lute 4:12

Ke feala loa ki le sakoga leia e soli atu loa kiate koe e le Eteleno i le fafine lena, ke fakaliliu ia lou fale o tatau mo le fale o Pelesi, leia na fanaui e Tamale kia Suta !

Uluaki tosi a Samuele 2:20

Na tapuaki loa a Eli kia Elekana mo lana avaga, o pati : Ke soli atu e le Eteleno kiate koe ni iki fanau i le fafine leinei, ke fetogi ai leia kua soli e ia ki le Eteleno ! Ti na la toe liliu loa ki lola kaiga.