Malakia 2:14 - Tosi Tapu

¹⁴ Ti e kotou pati : Kolea lona tupuaga ?… Se tupu na ke fakapapau i mua o le Eteleno ke ke agatonu ki le fafine leia na avaga mo koe i lou temi tupulaga. Ko lou soa a ia, leia na ke filifili totonu, Kae ko leinei kua ke tiaki a ia.

Malakia 2:14 ပူးပေါင်းရင်းမြစ်များ

Senesi 2:18

Na pati loa le Eteleno Atua : E leaise malie ke nofo toka tasi le tagata ; e kau fai loa se tokoi ke tatau mo ia.

Senesi 31:50

Kapau e ke fakavelivelii loa oku taineliki, kapau e ke toe avaga loa mo ni iki ake fafine, tokaga ai talie e leaise ko se tagata leia e fakamaoki ia taua, kae ko le Atua totonu.

Taagapati 2:17

Leia e tiaki ia lona uluaki alofaaga, Ti e galoi ia le sai a lona Atua ;

Taagapati 30:20

Ko leinei le ala o le fafine tono tagata : E kai a ia, ti e solosolo e ia lona gutu, Ti pati a ia : Na leaise kau fai se nea e veli.

Taagapati 5:20

Ei loku vosa, kolea e ke oli ai loa ki se fafine matapule, Ti e ke sogi ai loa ki le u o se fafine e leaise ke iloa ?

Ekelesiasi 9:9

Ke ke mauli fiafia mo le fafine leia e ke alofa ki ai, i aso taki tasi o lou mauli vaiga, leia kua soli atu e le Atua kiate koe i le lalo laa ; talie ko lou vaega a ia i le mauli, i loto malie o lou pakia i le lalo laa.

Katiko o Katiko 1:15

E ke fulumalie ai, ei loku kaukau nea, e ke fulumalie ai ! Ko ou mata ko ni lupe.

Esaia 54:6

Talie e toe kalagai a koe e le Eteleno ofaipe se fafine tiakina mo mamae i lona loto, Ofaipe se fafine leia na avaga koi muli ti na tiaki, e pati lou Atua.

Esaia 58:3

Kolea le uiga o lamatou sesunio, mo kapau e leaise ke tio mai kia matou ? O le fakamamae omatou laumalie, mo kapau e leaise ke tokaga ki ai ? Ko leinei, i le aso o lokotou sesunio, e kotou fakataga a nea fuli ala e kotou oli ki ai, Ti e kotou fai fakamakeke ki akoutou tagata gaoi fuli.

Selemia 29:23

Ti e soko loa le nea lena, o tupu kua la fai se nea fakalialia i Iselaele, o la tono mo avaga o ola oloi, ti mo la fakasa ni loi i loku suafa, kae na leaise kau tuku fua kia laua se fakatotonu. E kau iloa a nea ana, ti e kau fakamaoki ki ai, e pati le Eteleno.

Selemia 42:5

Ti na lotou pati loa kia Selemia : Ke soko le Eteleno ko se tagata fakamaoki faitotonu mo agatonu kia matou, mo kapau e leaise motou fai a nea fuli ala e tuku atu loa e le Eteleno, lou Atua, kiate koe, ke fakasa mai kia matou !

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Mikea 1:2

Kotou fakalogo, koutou fuli, atu kakai ! Tokaga, kele, mo nea fuli iate koe ! Ke fakamaoki kia koutou le Aliki, le Eteleno, Le Aliki leia e nofo i le fale sau o lona maokioki !

Malakia 2:15

Na leaise fai le nea lena e se tasi, mo ka na i ai sona ga poto. Ko le toka tasi na fai ia a ia, ti kolea lona tupuaga ? Talie na afa e ia le sakoga leia na fakapapau e le Atua kiate ia. Koia kotou tokaga ai kia koutou totonu, Ti ke aua na agatuu se tasi ki le avaga o lona temi tupulaga !

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Tuifakamaau 11:10

Na pati loa le kau matua o Kalaate kia Sefete : Ke logo mai le Eteleno kia matou, ti ke fakamaau a ia, mo kapau e leaise motou fai loa le nea leia e ke pati ki ai.

Uluaki tosi a Samuele 12:5

Na toe pati loa a ia kia latou : E fakamaoki loa le Eteleno kia koutou, ti e fakamaoki foki mo lana filifilia, i le aso leinei, na leaise kotou maua fua se nea i oku lima. Ti na lotou tali loa kiate ia : E motou fakamaoki ki ai.