Malakia 2:10 - Tosi Tapu

¹⁰ Pe leaise tou maua fuli se tamana e tasi ? Pe leaise ko se Atua e tasi leia na fakatupu ia tatou ? Kolea e leaise tou agatonu ai i otou vasaa, Ti e tou maumaui ai le sai o otou tamana ?

Malakia 2:10 ပူးပေါင်းရင်းမြစ်များ

Neemia 13:29

Ei loku Atua, ke ke manatui latou, talie na lotou fakakelekele le gaoi fakapelepitelo, mo le sai leia na fai e le kau tagata faisakilifisio mo le kau Levi.

Sopo 31:15

Ko leia na fakatupu ia au i le manava o loku tinana, pe na leaise fakatupu foki e ia mo laua ? Pe leaise ko le Atua fai e tasi leia na fakatupu ia matou fuli i le manava o omatou tinana ?

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Ekesote 19:4

Kua kotou tio ki le nea leia na kau fai ki Esipito, ti kua kotou tio ki laku aumai koutou ki leinei, ki oku tafa, ofaipe se akuila leia e ave ia ona uviki i aluga o ona kapakau.

Ekesote 19:5

I le aso nei, kapau e kotou fakalogo ki loku leo, ti kapau e kotou tausi laku fakapapau, e kotou liliu loa kiate au ko se kakai leia e mauiga kese ake i kakai fuli. Talie ko le malama nei katoa a aku,

Ekesote 24:3

Na ano loa Moisese o fakasa ki le kakai a masau fuli a le Eteleno mo ana lao fuli. Ti na tali fakatasi loa le kakai katoa : E motou fai loa a nea fuli ala kua pati ki ai le Eteleno.

Ekesote 24:7

Na too loa e ia le tosi o le sai o lau i mua o le kakai ; ti na lotou pati loa : E motou fai loa a nea fuli ala kua pati ki ai le Eteleno, ti e motou fakalogo loa ki ana folafola.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:15

Ko au ko le Eteleno, lokoutou Sagato, Le tupuaga o Iselaele, lokoutou sau.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 44:2

Ko leinei le folafola a le Eteleno, leia na fakatupu ia a koe, Leia na fau ia a koe mei lou tupu, Leia ko lou fanakiaga : Aua na ke i ki se nea, ei laku tagata fakasausau ko Sakopo, Ei laku Iselaele, leia na kau filifili.

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Esekiele 33:24

Vosa o le tagata, e pati latou ala e nonofo i kolo maumau o le fenua o Iselaele : Na toka tasi Apalaamo, kae na maua e ia le fenua ; kia tatou anei kua toka api, kua soli mai le fenua kia tatou.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Malakia 2:11

Na leaise agatonu a Suta, Ti na fai se nea fakalialia i Iselaele mo Selusalemi ; Talie na fakakelekele e Suta le nea leia na fakatapu ki le Eteleno, le nea leia e fiafia ai le Eteleno : Na avaga a ia mo le taine o se atua kese.

Malakia 2:8

Kae ko koutou, kua kotou mavae i le ala, Kua kotou fakaliliu le lao ko se nea fakatupu siga ki se toka api, Ti kua kotou maumaui le sai mo Levi, E pati le Eteleno o kau tau.

Mateo 10:21

E fakatau loa e le taina lona taina ki le mate, ti ko le tamana lana fanau ; e malaga loa a fanau ki olatou matua, o tamate latou.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Mateo 3:9

ti aua na kotou pati i okoutou loto : Ko Apalaamo ko lomatou tamana ! Talie e kau fakasa kia koutou, mei fatu anei, e mafai ke fakatupu e le Atua ni fanau kia Apalaamo.

Luka 1:73

O mulimuli ki le fakapapau leia na fai e ia kia Apalaamo, lotatou tamana,

Luka 3:8

Kotou fakatupu mua ni fua ala e gali mo le fakasemala, kae aua na kotou pati i okoutou loto : E motou tamana kia Apalaamo ! Talie e kau fakasa kia koutou e mafai noa le fakatupu e le Atua mei fatu anei ni fanau kia Apalaamo.

Soane 8:39

Na lotou tali loa kiate ia : Ko lomatou tamana ko Apalaamo. Na pati loa Sesu kia latou : Kanapau ko fanau koutou a Apalaamo, e kotou fai loa a gaoi a Apalaamo.

Soane 8:41

Kae ko koutou, e kotou fai a gaoi o lokoutou tamana. Na lotou pati loa kiate ia : E leaise ko ni toe taka matou ; e motou maua se tamana e tasi, ko le Atua.

Soane 8:53

Pe ke lasi ake i lomatou tamana ko Apalaamo, leia kua mate ? Kua mamate foki mo le kau polofeta. E ke pati ko ai a koe ?

Soane 8:56

Na matuaki fiafia Apalaamo, lokoutou tamana, ke tio ki loku aso : Ti na tio a ia ki ai, ti na fiafia a ia.

Gaoi 17:24

Ko le Atua leia na fakatupu ia le malama nei mo nea fuli i ai, leia ko le Aliki o le lagi mo le kele, e leaise nofo fua a ia i ni fale tapu ala e fau e le lima o le tagata ;

Gaoi 17:25

ti e leaise tausi a ia e ni lima o tagata, o sakinake e aoga kiate ia se nea, a ia leia e soli ia ki tagata fuli le mauli, mo le tukumanava, ti mo nea fuli.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Gaoi 7:2

Ti na tali loa Setefano : Kau tagata fetaina mo tamana, kotou fakalogo mai ! Na sa loa le Atua o le kololia ki lotatou tamana ko Apalaamo, ka koi nofo a ia i le fenua o Mesopotamia, i mua o lana nofo i Salani ; ti na pati loa a ia kiate ia :

Gaoi 7:26

I leia ake a aso, na toe au loa a ia kia latou, o maua mai latou e vusu, ti na taofi loa e ia latou, o fakatokatoka, o pati : Kau tagata, ko fetaina koutou, kolea e kotou fefele ai ?

Loma 4:1

Kolea loa latatou pati kia Apalaamo lotatou tamana fakatino ? Kolea na maua e ia ?

Loma 9:10

Ti e leaise gato i ai, kae na toe fai fenaaki kia Lepeka, leia na faitoe ia Isaake lotatou tamana ;

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Efeso 4:25

Koia ke kotou tiaki le loi, kae kotou tasi masau i le maoki ki lona oloi ; talie ko koga tino koutou o le tino e tasi.

Efeso 4:6

mo se Atua e tasi ko le Tamana o tagata fuli, leia e nofo i aluga o tagata fuli, ti mo tagata fuli, ti i tagata fuli.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Epelo 12:9

Tou manatui o tou tamana fakatino : na lotou tautea tatou, ti na tou fakaapaapa kia latou. Pe leaise tonu ke toe lasi ake latatou fakalogo ki le Tamana o laumalie, o tupu ke tou maua le mauli ?

Sosue 24:3

Na kau too loa lokoutou tamana ko Apalaamo i le kauvai o le vaitafe ti na kau fakafoli a ia i le fenua katoa o Kanaane ; na kau soli loa kiate ia se sakoga mauke, ti na kau soli loa kiate ia Isaake.