Malakia 1:6 - Tosi Tapu

⁶ E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Malakia 1:6 ပူးပေါင်းရင်းမြစ်များ

Pesalemo 123:2

Ko leinei, ofaipe mata o ni tagata fakasausau e tio tuumau ki le lima o olatou pule, Ti mo mata o le fafine fakasausau ki le lima o lona fafine pule, E agaaga foki omatou mata ki le Eteleno, lomatou Atua, O kaku ki lona aloalofa mai kia matou.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Taagapati 17:6

Ko fanau o fanau ko le pala o le kau matua, Ti ko tamana ko le kololia o olatou fanau.

Taagapati 30:11

E i ai se tautagata leia e fakamalaia ki lona tamana, Ti e leaise tapuaki ki lona tinana.

Taagapati 30:17

Ko le mata leia e gologolo ki se tamana, Ti e leaise fakanoa ia le patigaofie ki se tinana, E kapei loa a ia e le kolopo o le liua, Ti e kai loa a ia e uviki o le akuila.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 43:23

Na leaise ke momoli mai kiate au ni akeno i ni failaulau, Ti na leaise ke fakamauiga au ki au sakilifisio ; Na leaise kau fakamakeke kiate koe ni moliga, Ti na leaise kau fakakaekae a koe ki se iseso.

Esaia 45:10

Malaia ki leia e pati ki lona tamana : Kolea na ke fakatupu ai au ? Ti e pati ki lona tinana : Kolea na ke fanaui ai au ?

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Selemia 23:11

Kua fakalialia le kau polofeta mo le kau faisakilifisio ; Ti kua kau maua foki i loku loto fale totonu alatou agaveli, E pati le Eteleno.

Selemia 3:4

I le lakaga nei, e ke kalaga mai kiate au : Ko loku tamana a koe ! Ko loku kaukau nea a koe i loku ikiiki !

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Selemia 35:16

Io, kua taupau e vosa o Sonatape, vosa o Lekape, a fakatotonu ala na tuku e lolatou tamana kia latou, kae e leaise fakalogo le kakai leinei kiate au !

Esekiele 22:26

Kua maumaui e ona tagata faisakilifisio laku lao, ti kua lotou fakakelekele ia oku sagatualio, ti e leaise lotou iloa le kesekese o le nea taputapu mo le nea fakamalama, ti e leaise lotou fakasa ke iloa le kesekese o le nea kelekele mo le nea mea, ti kua lotou fakamaliu olatou mata i aku sapato, ti kua fakalialiai au i loto malie o latou.

Oseo 12:8

Ko Efalaimi ko se tagata faikoloa e too ia i lona lima ni fua salasala, Ti e alofa a ia ki le kaka.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Oseo 5:1

Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Sofoni 3:4

E matasosoka mo kaka ona polofeta ; E maumaui e ana tagata faisakilifisio a nea tapu mo le lao.

Malakia 2:1

I le temi nei, kia koutou le fakatotonu leinei, kau pelepitelo !

Malakia 2:10

Pe leaise tou maua fuli se tamana e tasi ? Pe leaise ko se Atua e tasi leia na fakatupu ia tatou ? Kolea e leaise tou agatonu ai i otou vasaa, Ti e tou maumaui ai le sai o otou tamana ?

Malakia 2:8

Kae ko koutou, kua kotou mavae i le ala, Kua kotou fakaliliu le lao ko se nea fakatupu siga ki se toka api, Ti kua kotou maumaui le sai mo Levi, E pati le Eteleno o kau tau.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 15:4

Talie na pati le Atua : Fakaapaapa ki lou tamana mo lou tinana ; ti : Ko leia loa ka lauveli ki lona tamana pe ki lona tinana e tua loa a ia ki le mate.

Mateo 15:6

E kotou fakanoai i ai le folafola a le Atua, o tupu ko lakoutou talatisio.

Mateo 19:19

ti e ke alofa loa ki lou oloi ofaipe kiate koe totonu.

Mateo 6:9

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Mateo 7:21

Ko latou ala e pati mai kiate au : Aliki, Aliki, e leaise lotou ulu fuli loa ki le Puleaga o Selo, kae e gato fai ki leia e fai ia le finegalo o loku Tamana leia e nofo i le lagi.

Maleko 10:19

E ke iloa a fakatotonu : Aua na ke tono loa mo se fafine ; aua na ke tukipo loa ; aua na ke kaia loa ; aua na ke fakamaoki loi loa ; aua na ke fai loa se nea veli ki se tasi ; fakaapaapa ki lou tamana mo lou tinana.

Maleko 7:10

Talie na pati Moisese : Fakaapaapa ki lou tamana mo lou tinana ; ti : Ko leia e lauveli loa ki lona tamana pe ki lona tinana e fakatuaa loa a ia ki le mate.

Luka 10:29

Kae i lana fia fakatonu ia a ia, na pati loa a ia kia Sesu : Ti ko ai loku oloi ?

Luka 18:20

E ke iloa a fakatotonu : Aua na ke tono, aua na ke tukipo, aua na ke kaia, aua na ke fakamaoki loi, fakaapaapa ki lou tamana mo lou tinana.

Luka 6:36

Koia kotou manavaalofa, ofaipe lokoutou Tamana e apele i le manavaalofa.

Luka 6:46

Kolea e kotou fakaigoa ai au : Aliki, Aliki ! Ti e leaise kotou fai le nea leia e kau pati ki ai ?

Efeso 6:2

Fakaapaapa ki lou tamana mo lou tinana (ko le uluaki fakatotonu a ia, ti e muli i ai se fakapapau),

Tetelonome 1:31

ti mo le toafa, leia na ke tio ai ki le aga a le Eteleno, lou Atua, o amo a koe ofaipe se tagata leia e amo ia lona vosa, i le ala katoa leia na kotou fai o kaku mai ki le ganea leinei.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;